1E_10: Anaka, ataovy izay mahabitika anao mba handraisanao tsara ny Fitiavana izay tiako harotsaka ao aminao. Isaky ny mandray ny Fitiavako ianao, amin’ny alalan’ny fanetre-tena, dia nisy fiovana ao aminao ka amin’izany no hatonga anao « Fitiavana », izany no antony nahariana anao.

1D_12: R’ilay Bitikako, avia miantsampy eo an-tsandriko. Apetrao eo amin’ny Foko ny fonao… Raiso ireo tondram-pahasoavana sy Fitiavana izay atosaky ny Ray ao aminao amin’izao fotoana izao ! Ekeo tanteraka ireny ; ao no hahitanao fiarovana izay tadiavinao.

1D_14: Anaka, mandrosoa ao anatin’ny finoana madio, aza mitady hahatakatra izay hitondrako anao. Ho Anao, zavatra iray ihany no manandanja indrindra : ny fanaikenao hotantànana, ny fanaikenao ho fehezin’ny Fitiavako. Mivonona tsara mihaino ireo olona apetrako eny amin’ny làlanao eny sy mihaino ireo tolon-tsaina avy aty Amiko… Tena tiako ianao! Mirehi-pitiavana ho anao ny Foko.

2A_11: Ry zanaky ny Foko, atolory Ahy ny enta-mavesatrao, vizaka ianao milanja azy. Avelao ho lanjaiko eo amin’ny soroko dia hatolotro ny Ray. Ho lasa olona afaka ianao, ny Fitiavana no hatonga anao ho olona afaka. Sambatra ianao manaiky ho tantànana eo amin’ny làlan’ny fahafahana ary dia ho tonga Fitiavana. Tiako be ianao.

1E_35: Anaka, avia manakaiky Ahy, apetraho ihany ao Ampoko ireo eritreritrao, ireo vinanao, ireo hevitrao ary ireo manahirana anao. Fantatrao tsara fa raha irery ianao dia tsy ho afaka hisafidy ilay làlana tsara ianao, nohon’ny hakelinao loatra, ny fahosanao loatra, ny fahalemenao loatra ary ny maha mora tohana anao loatra. Manaike tarihako ianao !

2A_37: Anaka, miombòna ianao amin’ny Ray ao amin’ireo eritreritrao, ireo tENY-NAO sy ireo ataonao. Ny Ray, no Loharano tsy mety ritran’ny Fitiavana, avy Aminy no miainga ny zavatra rehetra ary miverina any Aminy ny zavatra rehetra. Rehefa manàiky ny olona iray fa izany no izy ho azy sy ireo manodidina azy dia miditra ao amin’ny planin’ny Fitiavan’ny Ray izy ; dia ho voadio tanteraka izy, ary fitaovana eo ampelan-tànan’ny Ray izy.

1A_27: Anaka, jereo Aho miasa. Raiso tsara izay avelako hitranga aminao ho an’ny fanadiovako anao. Mitoera ao an’efitranonao anaty, tahaka ny angatahan’ny Reniko Tena Masina ; aoka ianao ho tonga olon’ny fivavahana, olon’ny fiderana, olon’ny fankasitrahana ary indrindra olon’ny Fitiavana. R’ilay Bitikako, tiako ianao.

3A_11: Ry zanaka malàlan’ny Ray, avia miantoraka ety an-Tsandriko. Aza mandany andro intsony mibanjina na ny lasanao na ny tenanao. Atodiho aty Amiko izay Andriamanitrao ny fijerinao. Banjino ny Fitiavako, banjino ny Famindrampoko. Tsy ho mendrika an’ireo mandrakizay ianao, tsy ho mendrika ireny fahasoavana ireny ianao ; fa raiso ireny ao anatin’ny fonao, satria izany no sitrapon’ny Ray.

3A_28: Ry zanaka malalan’ny Foko, avia miantsapaza ety an-trotroiko. Hahita fiasdanam-po, hafaliana sy Fitiavana ianao amin’izany. Rehefa omenao Ahy ny enta-mavesatrao dia ho hitanao fa maivana ny jiogako. Raha malaky mametraka ny fitokianao Amiko izay Andriamanitrao ianao dia ho aingana ny fiovana ao aminao ary hahazo ny fitiavan’ny Ray ianao.

1B_34: Anaka, mihoatra ny morona ny Fitiavan’ny Foko ho an’ny fitambaran’ny olona rehetra eto an-tany. Ny zavatra ilaiko mba hipoahan’ny Fitiavako ao anatin’ny fon’ny tsirairay, dia ny hamelàna Ahy hiasa ao amin’izy ireo.