1F_02: Anaka, miverèna manovo ao amin’ny loharanon’ny Fitiavana. Ao ihany no hahitanao Fiadanana sy Fifaliana… Omeo Ahy ireo adi-tsainao… Ny ilaivako anao, dia ny mba hanaikenao ho tiavina ary mba handray ny Fitiavako.

3B_03: Ry bitikako, fa maninona no mitady Ahy any an-kafa ianao? Takaro hatrany ny fisiako ao anatinao dia ho takatrao avokoa ny zavatra rehetra. Aza mitady ny ho tonga lafatra amin’ny herinao fa anjarako izany. Raiso ny Fitiavana izay arotsako ao anatinao amin’izao ora izao. Tiako amin’ny mahaianao anao ianao. Mirehi-pitiavana aminao Aho. Tiako ianao.

2B_21: Ry Bitikako malalako, na dia tsy tsapanao mazava aza, dia mitàntana anao eo amin’ny làlan’ny hafenoin’ny Fitiavana Aho. Ny fanaikenao ny Fanahiko no afahako mitàntana anao toy izany.

1E_05: Anaka, efa eo amin’ny andàlan’ny fiovana lehibe ianao, izay mitondra anao amin’ny fahamasinana ; mila mahay miaina ao anatin’ny tsy firaiketam-po ianao. Isaky ny manapaka fatotra ny Ray, iaina alahelo ianao, iaina karazam-pahafatesana fa izany no hanampy anao handroso.

1F_26: Anaka, raha mba fantatrao hatraiza ny itiavana anao sy ny vokatry ny Fitiavana ao aminao, dia tsy hanana faniriana hafa ianao ankoatran’ny hatongavanao miha bitika hatrany mba afahan’ny Fitiavana maka ny toerana rehetra. Tiako be ianao.

2A_17: Ianareo zanako, efa akaiky ny fotoana, manaike doroin’ny Afon’ny Fitiavako-Afo mba handoro ny tany tontontolo. Sambatra ianareo izay voafidy ho amin’izany iraka lehibe izany : hanova ny endriky ny tany mba hatonga azy ho tanin’ny Fitiavana, araka ny paikan’ny Ray. Ho tonga Fitiavana ianareo ! Tiako ianareo.

1F_04: Anaka, maniry mafy ny handrotsaka ao aminao onjam-pitiavana ao anatin’ny fonao Aho … Mila anao Aho manaiky bebekokoa ho tiavana tanteraka, hamindràna fo tanteraka, mba hampirehitra anao amin’ny Afon’ny Fitiavako Afo, ary hampitsonika anao amin’ny Afon’ny Fitiavako Afo.

1C_24: R’ilay Bitikako, miverena mankaty Amiko, atodio bebekokoa aty Amiko ny fijerinao. Mora variana amin’ny tebitebin’ireo asanao ianao. Somebiseby amin’ny asanao ianao ka ataonao ho eo aminao daholo no ipetrahan’ny zava-drehetra, nefa eo Amiko izay Andriamanitrao daholo no ipetrahan’ny zavatra rehetra. Karakaraiko hatramin’ny antsipirihany indrindra; efa noraisiko an-tànana ianao ; nahita sitraka teo imasoko ianao ; ianao ilay nofinidiko, ry Bitikako malalako.

1D_39: Anaka,aza mitsahatra mihaino Ahy, mila anao Aho, nofidiko ho irahako hanantanteraka asa iray ianao. Tsy mbola takatrao aloha amin’izao fotoana izao ny hakantony, ny halehibeazany ary ny lanjan’io iraka io… Izay rehetra ilainao dia homena anao noho ny Fahasoavana.

2A_12: Ry bitikako, aoka hiaino Ahy bebe kokoa ianao ; ho tsapanao fa eo akaikinao bebe kokoa aho. Tiako ho Ahy tanteraka ianao. Ny tena manadanja indrindra dia ny fanaikenao hovana, ary ny hanomezanao Ahy tsy tapaka ny fanaikenao, ary ny fihaikenao mandrakariva fa kely ianao sy tiako.