2B_33: Ry Zanako malalako, ao anatin’ny Fifalian’ny Foko no andraisako izay omenao Ahy. Ny zavatra rehetra atolotra Ahy dia voaray ary voadio mba hiverina eny ambony tany ho lasa Fahasoavana sy Tso-drano ho anao sy ireo olona izay fidiako amin’ny fotoana rehetra.
Lahatsoratra
Publications
Menu
Lire Plus
Menu
Mihoatra ny morona ny Fitiavan’ny Foko
![](https://www.fcdj.org/wp-content/uploads/2019/08/1B_34_mg.jpg)
1B_34: Anaka, mihoatra ny morona ny Fitiavan’ny Foko ho an’ny fitambaran’ny olona rehetra eto an-tany. Ny zavatra ilaiko mba hipoahan’ny Fitiavako ao anatin’ny fon’ny tsirairay, dia ny hamelàna Ahy hiasa ao amin’izy ireo.
Diloilo manafàna ny Foko
![](https://www.fcdj.org/wp-content/uploads/2019/08/1C_02_mg.jpg)
1C_02: R’ilay Bitikako, averimbereno tenenina Amiko mandritry ny tontolo andro anio ny fitiavanao Ahy. Diloilo manafàna ny Foko izany, ny Foko izay mijaly, mahita ireo izay notiaviko, mandà ny Fitiavako ary manentsina ny sofiny amin’ireo Antsoantsoko tsy tapaka ! Misaora ny Ray izay manaiky hanome Fitiavana be ho an’ireo Zanany ety an-tany !
Atolory Ahy ny enta-mavesatrao
![](https://www.fcdj.org/wp-content/uploads/2019/08/2A_11_mg.jpg)
2A_11: Ry zanaky ny Foko, atolory Ahy ny enta-mavesatrao, vizaka ianao milanja azy. Avelao ho lanjaiko eo amin’ny soroko dia hatolotro ny Ray. Ho lasa olona afaka ianao, ny Fitiavana no hatonga anao ho olona afaka. Sambatra ianao manaiky ho tantànana eo amin’ny làlan’ny fahafahana ary dia ho tonga Fitiavana. Tiako be ianao.
Andriamanitrao Aho
![](https://www.fcdj.org/wp-content/uploads/2019/08/1F_03_mg.jpg)
1F_03: Anaka, eny, Andriamanitrao Aho ary mikarakara hatramin’ny antsipiriany, na dia ireo tsy manadanja loatra aza, satria tiako ianao, satria mila firaisana tanteraka amin’ny fonao Aho, satria nomenao Ahy ny « Eny-nao ».
Avia maka aina eto amin’ny Foko
![](https://www.fcdj.org/wp-content/uploads/2019/08/1C_25_mg.jpg)
1C_25: Anaka, avia maka aina eto amin’ny Foko, atolory Ahy ny enta-mavesatrao dia hohitanao fa maivana ny Jiogako ! Raha avelanao dia tapahiko ireo fatorana, tsirairay, mba hatonga anao afaka tanteraka ! Ny tena fahafahana marina dia mitoetra ao anatin’ny fonao. Ny fonao dia tiako ho afaka, satria tiako ho Ahy irery tanteraka.
Lasa mifandray am-pitiavana bebekokoa isika
![](https://www.fcdj.org/wp-content/uploads/2019/08/3A_12_mg.jpg)
3A_12: Anaka, lasa mifandray am-pitiavana bebekokoa isika, dia io fifandraisam-pitiavana io no hanatanteraka ny fiovana ao anatinao izay hitondra ho anao Fiadanana, Fifaliana, Fitoniana ary Fitiavana. Io fifandraisam-pitiavana io dia iriko mandrakariva hitombo, tsy hiova ary hatraiza hatraiza… miaraka amin’ny olona tsirairay miaina eto ambony tany. Amin’ny alalan’io fifandraisam-pitiavana io no hanavaozako ny Egliziko sy ny Fiaraha-monina. Amin’ny alalan’io fifandraisam-pitiavana io, dia ho lavo ny Fahavalo amin’ny fotoana izay heveriny fa handresy iny izy.
Ny faniriako dia ny fanekenao fa bitika ianao
![](https://www.fcdj.org/wp-content/uploads/2019/08/3A_35_mg.jpg)
3A_35: Anaka, tokony ho tadidinao fa ny faniriako dia ny fanekenao fa bitika ianao, ary ho mora manaiky sy ho azo polesina mba hanatanteraka ny Sitrapon’ny Ray ; ary ho mailaka handray ny tondram-pitiavana izay tian’ny Ray arotsaka aminao amin’izao fotoana izao, ary mihabetsaka fa indrindra amin’ny fotoana fandraisana ny Eokaristia .
Ireo zava-manahirana
![](https://www.fcdj.org/wp-content/uploads/2019/08/1B_16_mg.jpg)
1B_16: Anaka, mihazakazaka manatona anao Aho mba hanampy anao. Raisiko eo an-tsandriko ianao ; maneke ianao ny hiala sasatra eo amin’ny Foko. Avereno lazaina amiko ny Fitiavanao ! Ny ilainao alohan’ny zavatra rehetra izao, dia ny hatsapanao fa tiana ianao: Izaho no loharanon’ny Fitiavana. Satria tiako ianao, dia esoriko eo aminao ny vesatr’ireo zava-manahirana anao. Nataonao izay azonao natao, avelao Aho hiasa eo amin’ny hafa. Matokia Ahy ianao.
Tahaka ny masoandro sy ny orana
![](https://www.fcdj.org/wp-content/uploads/2019/08/1F_37_mg.jpg)
1F_37: Anaka, tahaka ny masoandro sy ny orana izay mampitombo ny voninkazo, ny afo sy ny oran’ny Fitiavako hanokatra ny fonao mba hatonga azy hamirapiratry ny Fitiavako. Tiako ianao.
Misoratra anarana ao amin’ny fampahalalam-baovao hahazoana vaovao farany