2A_17: Ianareo zanako, efa akaiky ny fotoana, manaike doroin’ny Afon’ny Fitiavako-Afo mba handoro ny tany tontontolo. Sambatra ianareo izay voafidy ho amin’izany iraka lehibe izany : hanova ny endriky ny tany mba hatonga azy ho tanin’ny Fitiavana, araka ny paikan’ny Ray. Ho tonga Fitiavana ianareo ! Tiako ianareo.
Lahatsoratra
Publications
Menu
Lire Plus
Menu
Mandray ny Famindram-poko
![](https://www.fcdj.org/wp-content/uploads/2019/08/1E_25_mg.jpg)
1E_25: Anaka, fantatrao fa ny lalan’ny fahakelezana mandrakariva no lalako ; anjaranao ankehitriny no manararaotra ireo fahalemenao mba afahanao manatona Ahy sy mandray ny Famindram-poko sy ny Fitiavako. Andriamanitra feno Famindrampo sy Fitiavana Aho. Mba tena tiako ianao.
Ihany no afaka hanadio anao
![](https://www.fcdj.org/wp-content/uploads/2019/08/1B_12_mg.jpg)
1B_12: Anaka, ny Fitiavako ihany no afaka hanadio anao. Fantatro avokoa ireo fahasarotana mianjady aminao, ireo fahantranao, ireofijalianao; omeo Ahy ireo raha vao fantatrao iny, raha vao tsapanao iny. Izany no fepetra fototra mba hahafahako miasa ao anatinao, miasa amin’ny alalanao.
Tsy maintsy mandalo amin’ny trangan-javatra isankarazany
![](https://www.fcdj.org/wp-content/uploads/2019/08/1D_08_mg.jpg)
1D_08: Anaka, tsy maintsy mandalo amin’ny trangan-javatra isankarazany eo amin’ny fiainanao ianao mba hampitombo anao sy hahatonga anao tsara tarehy eo imasoko. Tena mila mandray ny Fitiavako ianao, mahatsapa fa tiako ianao ary mahafantatra fa miambina anao Aho, ary miaro anao sy mitantana anao hatramin’ireo antsipirihiny… Manàna fahatokisana Ahy bebekokoa, manaike tiavina.
Mandany fotoana maharitra eo anatrehako ianao
![](https://www.fcdj.org/wp-content/uploads/2019/08/1B_21_mg.jpg)
1B_21: Anaka, mba tiako raha mandany fotoana maharitra eo anatrehako ianao…mba hanaiky ho vonto bebe kokoa Ahy ianao…mba hanandrana bebe kokoa ny Fitiavako ianao. Manaike tiavina. Tiako ianao.
Ianao miaraka amiko ary Izaho miaraka aminao
![](https://www.fcdj.org/wp-content/uploads/2019/08/1E_39_mg.jpg)
1E_39: Anaka, isaky ny maka fotoana mba handraisana ny Fitiavana ianao sy mba hanaikenao ho tiaviko, dia hisokatra bebekokoa amin’ny Fitiavako ianao. Izany no tena fianarana marina ny Fitiavana : Ianao miaraka amiko ary Izaho miaraka aminao ; ianao ato Amiko ary Izaho ao aminao.
Mila maka aina ao
![](https://www.fcdj.org/wp-content/uploads/2019/08/1B_01_mg.jpg)
1B_01: R’ilay Bitikako, mila anao aho, mila maka aina ao anatinao Aho ka onina marina ao. Mitoera eo anatrehako mba handraisanao ireo tondram-pitiavana izay atosako ao anatinao, ary miaraka amin’izany koa, atosako ao amin’ireo fianakavianao. Manaikè tiavina. Tiako ianao.
Nomeko anao ny Aiko
![](https://www.fcdj.org/wp-content/uploads/2019/08/1C_04_mg.jpg)
1C_04: Anaka, tiako ianao ; Nomeko anao ny Aiko ; tsy tiako ny mahita anao mijaly, tiako ho sambatra ianao. Ny Fitiavana izay tsapanao, dia ny Fitiavan’ny Ray izay mikoriana malalaka ao anatin’ny Foko, ny Fitiavan’ny Fon’ny Reniko Masina ary ny Fitiavan’ireo izay nanaiky hifikitra Aminy. Misy toerana malalaka afaka hifikiran’ny fo rehetra eto an-tany.
Tsy manandanja ny ety ivelany
![](https://www.fcdj.org/wp-content/uploads/2019/08/1B_37_mg.jpg)
1B_37: Anaka, aza mitady ireo làlana sarotra ; raiso ny làlan’ny fahatsorana, fa eo no misy Ahy. Mianàra tsy mitsara izay mitranga ety ivelany, satria tsy manandanja ny ety ivelany. Ny Manandanja dia izay mitranga ao anaty. Ao no misy ny tena ady marina ankehitriny, ary amin’io no hanamboarako indray izay noravàn’ny fahavalo, na izay noheveriny fa ràvany.
Tsy misy tokony hatahoranao
![](https://www.fcdj.org/wp-content/uploads/2019/08/3B_02_mg.jpg)
3B_02: Ry bitikako, tsy misy tokony hatahoranao, Andriamanitra Fitiavana Aho ! Izay tena tsara indrindra no iriko ho anao. Mangataha Amiko ny hanapahako izay rehetra mampifikitra anao amin’ny zavatr’izao tontolo izao, amin’ny fomba fijerinao, amin’ny fandraisanao ny tranga rehetra sy amin’ny fiainanao an’izany. Fa ho tanterahiko ny fangatahanao.
Misoratra anarana ao amin’ny fampahalalam-baovao hahazoana vaovao farany