3A_03: Ry Bitikako, nomena fahefana ianao hatsapa ny fisiako ao aminao na dia eny ampanaovina ireo raharahanao aza ianao. Ataoko ho fonenako ianao ! Mirehi-pitiavana ho anao Aho ! Sokafy fotsiny ny tànanao handray Azy. Tena eo Aho, ao anatinao.
Lahatsoratra
Publications
Menu
Lire Plus
Menu
Mavesatra sy sarotra entina ny fijalianao
![](https://www.fcdj.org/wp-content/uploads/2019/08/3A_26_mg.jpg)
3A_26: Anaka, isaky ny mahatsapa ianao fa mavesatra sy sarotra entina ny fijalianao, dia avia miantsapaza eo an-trotroiko. Atolory Ahy ny fijalianao dia ho tsapanao fa maivana ny entako. Aza manana ahiahy fa efa henoko ireo vavakao sy ireo fitarainanao. Nahita sitraka teo imasoko ianao. Mirehi-pitiavana ho anao ny Foko.
Miverena mankaty Amiko
![](https://www.fcdj.org/wp-content/uploads/2019/08/1C_24_mg.jpg)
1C_24: R’ilay Bitikako, miverena mankaty Amiko, atodio bebekokoa aty Amiko ny fijerinao. Mora variana amin’ny tebitebin’ireo asanao ianao. Somebiseby amin’ny asanao ianao ka ataonao ho eo aminao daholo no ipetrahan’ny zava-drehetra, nefa eo Amiko izay Andriamanitrao daholo no ipetrahan’ny zavatra rehetra. Karakaraiko hatramin’ny antsipirihany indrindra; efa noraisiko an-tànana ianao ; nahita sitraka teo imasoko ianao ; ianao ilay nofinidiko, ry Bitikako malalako.
Hitodika mankany amin’ny Fahazavana
![](https://www.fcdj.org/wp-content/uploads/2019/08/1F_25_mg.jpg)
1F_25: Anaka, ao anatin’ny fifaliana amin’ny fanantenana tsara avy amin’ilay Tany Vaovao no tokony hirosoanao isan’andro. Aza mandany andro mibanjina ny tontolon’ny maizina, fa afantohy ny fijerinao hitodika mankany amin’ny Fahazavana, mankany amin’ny Fitiavana. Tiako loatra ianao.
Hetaheta te hiombona am-po aminao
![](https://www.fcdj.org/wp-content/uploads/2019/08/1C_16_mg.jpg)
1C_16: R’ilay Bitikako, avia eto akaikiko. Tiako ny fonao miankina amin’ny Foko mba hanamaivana ny hetahetako, hetaheta te hiombona am-po aminao, miaraka amin’ireo olon-tiako rehetra eto ambony tany. Mba tiako ny hahita an’izy ireo hiantsampy ety an-tsandriko. Raiso ny Fitiavako, ny Famindram-poko, ny Famelan-keloko, satria izany no tian’ny Ray.
Hiraikitra amin’ny Foko
![](https://www.fcdj.org/wp-content/uploads/2019/08/1B_28_mg.jpg)
1B_28: R’ilay Bitikako, avia mifitsaka eto an-tsandriko! Aoka anie ny fonao hiraikitra amin’ny Foko, mba hiaraka mitempo amin’ny Foko ny fitempon’ny fonao! Dia hianatra mitia amin’ilay Fitiavana izay itiavan’ny Foko!
Ry zanaky ny Foko
![](https://www.fcdj.org/wp-content/uploads/2019/08/3B_33_mg.jpg)
3B_33: Ry zanaky ny Foko, ianao izay novolavolaiko tamim-pitiavana tokoa, maniry ny handray anao eto an-tsandriko Aho ary hamihana ny fonao eo amin’ny Foko mba hatsapanao ny Fitiavako. Tsy manana afa tsy fitiavana ho anao Aho ; sokafy midanadana kokoa ny fonao. Raha sarotra ho anao ny manokatra azy, omeo alàlana Aho ary dia avy amin’ilay “Eny” tanteraka sy tsy misy fepetra, dia ho tanterahako izany.
Hanome anao indray ny fahafahana tany ampiandohana
![](https://www.fcdj.org/wp-content/uploads/2019/08/1C_38_mg.jpg)
1C_38: R’ilay Bitikako, omeo Ahy hatrany ny fahorianao. Ho lasa fahoriako ireny ary tsikelikely dia halana aminao ireny. Tsy ho tsapanao intsony ireny. Dia ho lasa olona afaka tanteraka ianao, satria lasa Fitiavana ianao. Ny Fitiavana no hanome anao indray ny fahafahana tany ampiandohana izay nesorin’ny fahotana taminao.
Mila anao Aho hampitosaka ny Fitiavana
![](https://www.fcdj.org/wp-content/uploads/2019/08/3A_36_mg.jpg)
3A_36: Anaka raisiko eo amban’ny Fiarovako mandrakariva ianao satria mila anao Aho hampitosaka ny Fitiavana. Aza manaiky ho fitahan’ny fahavalo izay miezaka ny hampino anao fa afaka hizara Fitiavana ianao avy amin’ny alalan’ny fitondran-tena tsy madio, tsy izany no tena Fitiavana Marina. Ny Fitiavana Marina dia ny Fitiavana avy aty Amiko, izay Andrtiamanitrao.
Tsy manery anao ny Fitiavana
![](https://www.fcdj.org/wp-content/uploads/2019/08/1D_37_mg.jpg)
1D_37: Anaka, tsy manery anao ny Fitiavana. Izay toerana omenao Azy ihany no raisiny rehefa miantso Azy ianao, alohan’ny hanaovanao zavatra. Matetika loatra dia miandany avy hatrany ianao, tonga dia manao dia avy eo ianao vao mangataka ny Fitiavana hiasa. Ahoana no heverinao hiasany ao anatinao… Raha maka fotoana tsara ianao manontany Azy hiasa… dia ho hafa tokoa ireo vokatra.
Misoratra anarana ao amin’ny fampahalalam-baovao hahazoana vaovao farany