3B_18: Anaka, tena lehibe tokoa ny fitiavako anao ka tiako ho Ahy manontolo ianao, mba hafahantsika miaraka manatanteraka zava-dehibe maro. Fa ny tena mendrika sy manandanja indrindra dia ny hatsapanao fa tena lalimpaka ny itiavako anao ary koa ny fanekenao havaozin’ny Fitiavako.

1B_09: R’ilay Bitikako, henoy tsara izao : eo am-piovanao ho « Fitiavana », dia ny Fitiavana no mifehy ny tenanao, ary eo no fotoana hanombohanao hanatanteraka ny tena iraka amin’ny maha zanak’Andriamanitra anao. Eo no hahatonga anao ho mpiandry ondry ho an’ireo ondriko marobe…no hahatonganao ho lasa lakandranom-Pitiavana. Izany hoe, mandalo aminao ny Fitiavana mba hikasika ao anatin’ny tontolo tsy hita maso ireo fanahy mitady ho very.

3A_27: Ry bitikako, raiso ity toro-hevitra kely ity : ialao ny mijery ny tenanao. Atodio any amin’ny Ray ny fijerinao, banjino ny Fitiavany, banjino ny hatsaram-pony, banjino ny halehiben’ny Famindram-pony. Tsy ho mendrika mandrakizay an’ izany ianao, tsy ho mendrika mandrakizay izany Fanomezam-pahasoavana izany ianao. Raiso ny Fitiavany sy ny Famindram-pony satria ho Azy dia izany no sitrany.

3B_26: Ry bitikako, maharéta ao anatin’ny finoana, fivavahana sy ny fanaikenao tanteraka Ahy izay Andriamanitrao. Eny, Izaho izay hampiditra anao ao anatin’ilay fahafahana feno amin’ny maha zanak’Andriamanitra… Izaho no hanome indray anao ny Fahafahana, dia ilay Bateminao.

1F_34: Anaka, ao anatin’ny fonao no tiako atao Fonenako, tahaka ny faniriako ny honenanao mandrakariva ao anatin’ny Foko… Maniry ny hanomboka fanekem-pihavanana vaovao miaraka aminao Aho. Tiako ho vadiana ny Fanahinao.

1E_03: Anaka, tiako ho hasambatra ianao miaraka Amiko any amin’ny mandrakizay. Ireo fijaliana sy ireo fahasarotanana izay iainanao dia fotoana fohy hanadiovana sy hanamasinana anao. Ilainao tokoa ireny, tahaka ny orana izay ilain’ny zava-maniry. Raiso ary ekeo ireny.

1C_33: R’ilay Bitikako, avia mifitsaka eto an-tratrako! isaky ny tonga eo an-tratrako ianao, dia misy ny ampahany ny Amiko no tafiditra ao anatinao. Dia mandray betsaka ny Fitiavako ianao amin’izany ary lasa Fitiavana bebekokoa. Fifaliana lehibe mandrakariva ho Ahy ny mamihina anao eo amin’ny Foko !

3A_09: Anaka, tadidio fa ny fotoana tena sarobidy izay tena ilàko anao dia ilay fotoana izay iarahantsika ka itoerantsika ao anatin’ny fifandraisam-pitiavana. Amin’ny alalan’izany fifandraisana izany no hanovàna anao ary hampiasàna anao ao anatin’ny tontolo tsy hita maso, izay hanatanterahanao ny iraka voalohany indrindra ampanaovina anao. Tena tiako ianao.

1D_01: Anaka, rehefa manao ny tenanao ho kely ianao, dia raisiko ireo adin-tsainao, ireo hafalianao sy ny alahelonao ka atolotro ny Ray, ary Izy, ao anatin’ny Famindram-pony lehibe sy ny Fitiavany, mametraka ny rantsa-tànany, Izy Mpahary mba hanapaka ireo fatotra manakana anao tsy ho olona afaka.

2A_13: Anaka, sambatra ianao nahita sitraka teo Imasoko ary nandray Fitiavana betsaka ! Raiso ny tambitambin’ny Reniko izay RENY-NAO tia anaotanteraka. Henoy tsara ireo teny izay lazainy moramora amin’ny sofinao avy amin’ny Foko sy ny Fon’ny Ray. Tiako ianao, tena tiako ianao.