3A_09: Anaka, tadidio fa ny fotoana tena sarobidy izay tena ilàko anao dia ilay fotoana izay iarahantsika ka itoerantsika ao anatin’ny fifandraisam-pitiavana. Amin’ny alalan’izany fifandraisana izany no hanovàna anao ary hampiasàna anao ao anatin’ny tontolo tsy hita maso, izay hanatanterahanao ny iraka voalohany indrindra ampanaovina anao. Tena tiako ianao.

1D_01: Anaka, rehefa manao ny tenanao ho kely ianao, dia raisiko ireo adin-tsainao, ireo hafalianao sy ny alahelonao ka atolotro ny Ray, ary Izy, ao anatin’ny Famindram-pony lehibe sy ny Fitiavany, mametraka ny rantsa-tànany, Izy Mpahary mba hanapaka ireo fatotra manakana anao tsy ho olona afaka.

2A_13: Anaka, sambatra ianao nahita sitraka teo Imasoko ary nandray Fitiavana betsaka ! Raiso ny tambitambin’ny Reniko izay RENY-NAO tia anaotanteraka. Henoy tsara ireo teny izay lazainy moramora amin’ny sofinao avy amin’ny Foko sy ny Fon’ny Ray. Tiako ianao, tena tiako ianao.

2B_31: Anaka, aoka hatoky ianao fa ireny tranga izay mampalahelo anao ireny dia efa eo ampelan-tànan’ny Ray. Rehefa mahatanteraka ny fiovana nirian’ny Ray ao aminao ireny tranga mampalahelo ety ivelany ireny, dia ho hitanao fa hilamina ho azy irery eo ireny. Tahaka ny volamena izay mila fanadiovana amin’ny alalan’ny sedran’ny afo, no tsy maintsy handalovanao amin’ireo fijaliana sy fahasarotàna mba hatonga anao, ho io olona feno Fitiavana io, izay tian’ny Ray atao aminao. Aza mitsahatra midera.

1D_11: Anaka, aza adino fa voafidin’ny Ray ianao. Tsy nofidiany noho ireo famendrehanao ianao na ireo talenta izay ao anatinao, ny fitiavam-bavakao na ireo fahaizanao maro izay mety heverinao fa anao na alaim-panahy ianao fa alainao. Noho ny Fitiavany ihany no nahatonga ny Safidiny niantefa teo aminao. Raiso ny Fitiavany izay maimaim-poana.

1F_08: Anaka, manaike rotsirotsian’i Maria, Reniko, ao amin’ny Fitiavako izay Fitiavan’ny Raintsika… Tonga hanampy an’ireo izay mihaiky ny fahalemy Izy: Totofany soa ireo izay noana… Sambatra ianao miantehitra amin’ny Ray amin’ny zavatra rehetra ! Tiako ianao.

1F_20: Anaka, ny antoka mampitsimoka ny voninkazo dia ny fahafahany mandray ny ranon’orana milatsaka. Dia torak’izany koa ho anao : ny antoka mampamokatra ny fijalianao, dia ny fahafahanao mandray azy, izany hoe ny fandraisana izay atokanao azy, ny fihetsikao sy ny fitondran-tenanao manoloana azy.

1E_21: Anaka, apetraho ao am-Poko avokoa ny fijalianao mba hanana ny lanjan’ny famonjena, ho an’ireo izay mampahory anao sy ireo tianao, izany hoe ireo izay mitoetra manokana ao anaty fonao, torak’izany koa ho an’ireo maro hankinina aminao ao anatin’ny tontolo tsy hita maso. Tiako ianao.

2A_35: Ry Bitikako, tohizo ny fandraisanao ny Fitiavako, amin’ny fiaikenao fa bitika ianao ; ny fanaovanao izany no mahafaly Ahy indrindra aminao, satria manana Fitiavana betsaka dia betsaka omena anao Aho, mba hatongavanao ho olona feno sy mamirapiratry ny Fitiavako. Tiako tokoa ianao.

1F_24: Anaka, fonosiko amin’ny Kapaoty beako ianao mba hiaro anao sy handrakotra anao amin’ny Aloko. Rehefa miha mahatsiaro fa kely, malemy, tsy mahavita na inona na inona ianao, dia miha ilaiko ary manomboka afaka mandalo amiao sy mampiasa anao Aho. Tiako be ianao.