3B_25: Ry zanaka kely, Izaho Jesoa no tonga mandray ny fijalianao rehetra ka hakambako amin’ny fijaliako dia atolotro ny Raiko. Ny Ray no handray ny fijalianao rehetra ao anatin’ny halehiben’ny famindram-pony ary ho avadiny Fahasoavana sy tso-drano maro ho anao sy ireo izay mijaly toa anao fa tsy mba nanana tombony tahaka anao mahafantatra sy mametraka ny fahatokisany Amiko.

1E_02: Anaka, izay miendrika sedra dia loharanom-pahasoavana mandrakariva sy tso-drano ho an’ireo izay manaiky ireny sedra ireny. Ekeo ny miaina an’izy ireny rehefa avy apetrakao tanteraka eo am-pelatànan’ny Ray ireny sedra ireny. Tiako tokoa ianao.

3B_38: Ry bitikako, amin’izao fotoana izao ianao dia mandray ilay fanomezana tsara indrindra sy lehibe indrindra : NY FITIAVAKO. Miaina ilay fiovana ianao rehefa tonga olona feno fitiavana. Ary io fiovana ao amin’ny fonao io no hamporisika anao hanam-paniriana hanampy ny hafa am-pitiavana.

2B_39: Anaka, misaotra anao Aho amin’ny fahatokisanao Ahy sy ny firosoana tsy mijanona na dia tsy fantatrao aza ny hitondrako anao. Hitanao tsara fa mandroso ianao ary Izaho no mitantana anao. Ny zava-dehibe ho anao dia ny afantaranao fa miaraka aminao mandrakariva Aho. Miaraka aminao Aho, ao anatinao Aho mba hanaovao anao ho tonga olona feno ny Fitiavako, satria, Tena Tiako loatra ianao.

3B_20: Ry zanaka malalan’ny Ray, valio mandrakariva ireo antso izay halatsako ao am-ponao, indrindra ny antsoko hiara miasa amiko mba hitalahoana ny Ray hampiely ny Fitiavany ao am-pon’ny be sy ny maro. Aza manana ahiahy ianao, nahita sitraka teo anatrehan’ny Ray ianao. Avia miantsapaza aty an-tsandriko…fa isaky ny manao izany ianao dia hahita fifaliana, fiadanam-po ary fahasambarana. Mampanantenanao an’izany Aho.

1D_09: Anaka, tohizo ny fanaikenao ho tantànana ao anatin’ny finoana. Mbola betsaka no tokony ho hitanao. Mbola tsy tena takatrao tsara hatraiza ny Fitiavan’Andriamanitra anao ! Mbola tsy tena hitanao tsara ihany koa ny Herin’Andriamanitra, ny Fitiavany sy ny Famindram-pony. Manaike ianao tiavina, manaike ianao ho fenoina.

1E_22: Anaka, mba tsy hisy very na kely aza, dia apetraho daholo ao anatin’ny Foko : ireo fijaliana, alahelo, hafaliana, ahiahy na ireo tsy fahombiazana…ny zavatra rehetra mihintsiny. Raha apetraka ao anatin’ny Foko ireo toe-javatra rehetra ireo, raisina sy iainana am-pitiavana miaraka amiko sy ho Ahy dia ho lasa manandanja avokoa : ho lasa diloilo mampitony ny Foko maratra.

2A_01: Anaka, aza matahotra, mandrosoa mandrakariva ao anatin’ny Finoana. Ny fatsapanao ny Fiadanako ao anatinao no hafantaranao fa eo amin’ny làlana marina ianao. Amin’ny alalan’io Fiadanana tsapanao io koa no afahanao miroso sy maka ireo fanapahan-kevitra mifanaraka amin’ny sitrapon’ny Raiko.

1D_16: Anaka, manaike ho tiavina. Aza matahotra na inona na inona satria nahita sitraka teo imasoko ianao. Raisiko an-tànana ireo asanao sy ireo adin-tsainao. Raisoko ho Ahy ireo satria efa natolotrao avokoa aty Amiko… Aza adino mandrakizay fa Izaho Ilay Andriamanitra tsy toha.

1E_30: Anaka, sarobidy eo imasoko ianao ary eo am-pelantanako ny momba anao. Rehefa ohatran’ny tsy misy mandroso eo imasonao, dia amin’iny fotoana iny indrindra no manatanteraka zavatra betsaka Aho. Ary raha tiako ampiasaina ianao, dia ny mba hampitombo ny finoanao.