1C_34: R’ilay Bitikako, Fifaliana lehibe ho Ahy ny mamihina anao eo amin’ny Foko. Raisiko ho aty amiko avokoa izay mavesatra loatra ho anao, tahaka : ny harerahanao, ireo adi-tsainao, ireo tebitebinao, ireo ahiahinao sy ireo tsy fahalavorarianao fahiny. Tsoahiko eo aminao daholo izany enta-mavesatrao rehetra izany, izay manakana anao tsy ho Ahy tanteraka. Fenoiko ny Fitiavako, ny Fifaliako sy ny Fiadanako ny toerana nialan’ireo.
Lahatsoratra
Publications
Menu
Lire Plus
Menu
Tokony hanaiky hotantànako bebekokoa ianao
![](https://www.fcdj.org/wp-content/uploads/2019/08/2A_28_mg.jpg)
2A_28: Ry voafidiko, tokony hanaiky hotantànako bebekokoa ianao. Noho izany, dia mila mihaino Ahy bebekokoa hatrany ianao. Rehefa mivavaka ianao na midera, dia aoka hisy fotoana lavalava izay hanginanao mba hiainonao tanteraka ny Tomponao.
Ny fanoloranao ireo tranga rehetra izay manelingelina anao
![](https://www.fcdj.org/wp-content/uploads/2019/08/1E_01_mg.jpg)
1E_01: Anaka, ny fanoloranao ireo tranga rehetra izay manelingelina anao, na manakorontana anao mihitsy, anie hitondra fahasoavana ho an’ireo fo izay misy ratra vokatr’ireo fifandirana avy amin’ny tontolon’ny fahandraharana sy avy amin’ny hafa. Arak’izany, enga anie ireo fo maratra ho afaka misokatra handray ny Fitiavana izay harotsaky ny Ray ao amin’izy ireo.
Efa eo amin’ny andàlan
![](https://www.fcdj.org/wp-content/uploads/2019/08/1E_05_mg.jpg)
1E_05: Anaka, efa eo amin’ny andàlan’ny fiovana lehibe ianao, izay mitondra anao amin’ny fahamasinana ; mila mahay miaina ao anatin’ny tsy firaiketam-po ianao. Isaky ny manapaka fatotra ny Ray, iaina alahelo ianao, iaina karazam-pahafatesana fa izany no hanampy anao handroso.
Dia afaka mifandray amin’ireo Fanahy
![](https://www.fcdj.org/wp-content/uploads/2019/08/3A_04_mg.jpg)
3A_04: Anaka, amin’ny alalan’ny « eny » izay omenao Ahy tsy tapaka, dia afaka mifandray amin’ireo Fanahy maro eran-tany, amin’ny fotoana rehetra Aho. Sarobidy Amiko, izay Andriamanitrao, ianao. Mirehi-pitiavana ho anao ny Foko. Ahy ianao, ary anao Aho. Tiako loatra ianao.
Raha vao mahatsapa fahoriana ianao dia tonga dia atolory Ahy
![](https://www.fcdj.org/wp-content/uploads/2019/08/3A_13_mg.jpg)
3A_13: Ry raozy kely malalako, raha vao mahatsapa fahoriana ianao dia tonga dia atolory Ahy ; ho hitanao fa maivana ny jiogako. Aza matahotra. Miaraka aminao mandrakariva Aho. Nahita sitraka teo imasoko ianao. Mandrotsaka onjam-pitiavana aminao sy ao anatinao Aho, raha vao raisinao ny Fitiavana. Avy amin’izany no hatonga anao ho « Fitiavana ». Tena tiako ianao.
Ireo vavaka fanelanelànanao
![](https://www.fcdj.org/wp-content/uploads/2019/08/1B_33_mg.jpg)
1B_33: R’ilay Bitikako, ireo « Eny » izay atolotrao Ahy sy ireo vavaka fanelanelànanao, indrindra ireo vavaka izay ampandalovina amin’i Maria, Reniko tena Masina dia manandanja be tsy araka ny fihevitrao. Raha lehibe ny finoanao rehefa mivavaka Amiko ianao, dia ho afaka manatanteraka bebekokoa Aho. Angataho Amiko ny hampitomboiko ny finoanao !
Mandray ny fijalianao
![](https://www.fcdj.org/wp-content/uploads/2019/08/3B_25_mg.jpg)
3B_25: Ry zanaka kely, Izaho Jesoa no tonga mandray ny fijalianao rehetra ka hakambako amin’ny fijaliako dia atolotro ny Raiko. Ny Ray no handray ny fijalianao rehetra ao anatin’ny halehiben’ny famindram-pony ary ho avadiny Fahasoavana sy tso-drano maro ho anao sy ireo izay mijaly toa anao fa tsy mba nanana tombony tahaka anao mahafantatra sy mametraka ny fahatokisany Amiko.
Raiso ireo tondram-pahasoavana
![](https://www.fcdj.org/wp-content/uploads/2019/08/1D_12_mg.jpg)
1D_12: R’ilay Bitikako, avia miantsampy eo an-tsandriko. Apetrao eo amin’ny Foko ny fonao… Raiso ireo tondram-pahasoavana sy Fitiavana izay atosaky ny Ray ao aminao amin’izao fotoana izao ! Ekeo tanteraka ireny ; ao no hahitanao fiarovana izay tadiavinao.
Izay miendrika sedra
![](https://www.fcdj.org/wp-content/uploads/2019/08/1E_02_mg.jpg)
1E_02: Anaka, izay miendrika sedra dia loharanom-pahasoavana mandrakariva sy tso-drano ho an’ireo izay manaiky ireny sedra ireny. Ekeo ny miaina an’izy ireny rehefa avy apetrakao tanteraka eo am-pelatànan’ny Ray ireny sedra ireny. Tiako tokoa ianao.
- Go to the previous page
- 1
- …
- 28
- 29
- 30
- 31
- 32
- 33
- 34
- …
- 40
- Go to the next page
Misoratra anarana ao amin’ny fampahalalam-baovao hahazoana vaovao farany