2B_36: Anaka, nahita sitraka teo imasoko ianao. Aza mihevitena intsony hoe lehibe. Ekeo ny maha madinika anao, mba afahako mandray anao ety an-tsandriko, mamihina ny fonao eo amin’ny Foko mba hanatosahako tondram-pitiavana ao anatin’ny fonao. Dia haheno ilay bitsika malefaka ao anatinao lalina ianao, izay milaza hoe : « Tiako ianao ». Enonao ve Anaka, Tiako loatra ianao ! Tiako ianao !

1F_11: Anaka, sarobidy ho Ahy ianao, manandanja eo imasoko ianao. Homeko anao ny aiko na ho anao irery aza. Trotroko ianao. Fihiniko eo amin’ny Foko sy ny Fon’ny Reniko Masina ny fonao mba ho kilan’ny Afon’ny Fitiavako Afo.

1A_28: Ry zanako, R’ilay Bitikako, raha mba fantatrao manko ny maha zava-dehibe an’ireo zavatra iainanao ankehitriny, tsy hangataka zavatra hafa amiko intsony ianao. Izaho izay mahalala ny zavatra rehetra, fantatro tsara ireo izay ilainao rehetra anio. Matokia Ahy, tiako ianao.

1B_04: R’ilay Bitikako, maniry ny hiaraka aminao Aho, tahaka Ahy miaraka amin’ny Raiko, mba afahanao mivelona tsy tapaka amin’ny Fitiavanay. Io Fitiavanay io hikasika ny fon’ireo izay eny amin’ny làlanao eny. Ianao, dia ho vavolombelona fotsiny ny Asanay: tsy ianao intsony no velona fa Izahay (Andriamanitra) no velona ao anatinao.

1C_36: R’ilay Bitikako, midira ao anatinao ; ao no misy Ahy. Omeo Ahy ireo adin-tsainao sy ny ahiahinao. Rehefa omenao adin-tsaina Aho, dia lasa Ahy izy ary araraotiko izany hanafahako anao amin’ireo fatoranao hafa. Vokatr’izany dia iaina fahafahana anaty ianao. Io fahafahana anaty io no afahanao mifandray Amiko, dia afahanao mahita ny halehiben’ny Fitiavako anao ary afahanao ho tonga Fitiavana.

1A_22: Anaka, ireo fotoana nolanianao teo anatreako sy ao anatinao lalina dia tena fotoana sarobidy indrindra, satria, amin’izany ary amin’izany irery ihany no hazoanao akaiky indrindra ny Afon’ny Fitiavako. Manaike ianao ho dorako amin’ny Fitiavako. Tiako ianao.

3B_24: Ry ilay bitikako, tsy misy fahasambarana lehibe ho Ahy noho ny fahafahako mandrotsaka ny Fitiavako ao anatin’ny fon’ireo izay manaiky sy maniry handray azy. Ny tena mampaory Ahy sy ny Raiko indrindra dia ny mahita an’ireo olona maro mandà ny Fitiavanay satria mihevitra izy ireo fa tsy mendrika izany noho ny tsy fahafantarany fa maimaimpoana ny Fitiavanay ary ny fainekeny Azy aingana no hanova azy.

2B_11: Ry zanako malalako, ho fanampiana anao mba hatakaranao izay iainanao amin’izao fotoana izao, dia tsarovy ilay zanaka voromahery mianjera avy eny ambony ivelan’ny tranony rehefa natsipin’ny reniny. Ho azy, dia tena loza be izany, kanefa izany no fomba tokana mahomby afahany mianatra manidina amin’ny herin’ny tenany. Torak’izany koa ho anao, amin’izao fotoana izao, satria tonga ny fotoana ialanao ireo mamatotra anao avy amin’ny lasanao (na dia nahitanao tombotsoa sy fitokisana aza taloha) tahaka ilay tranom- boromahery.

1E_38: Anaka, aza manandrana milanja samirery eo amin’ireo sorokao izay tokony ho zakaintsika miaraka. Na hitady vahaolana samirery amin’izay tokony ho vahantsika miaraka ; na indrindra hanao samirery izay tokony hataontsika miaraka. Miantsoa mandrakariva Ahy. Tena akaikinao sy ao anatinao mandrakariva Aho.

1C_11: Anaka, miaraka aminao mandrakariva Aho. Afaka mifandray Amiko ianao amin’ny fotoana rehetra na andro, na alina ary amin’ny toe-javatra rehetra mba hanovo ao amin’izany ny Fiadanana, ny Fifaliana ary ny Fitiavako.