2A_36: Ry Bitikako, raha mba fantatrao hatraiza ny hafaliako mahita anao ela ny ela ka nandray ny Fitiavana izay tiako harotsaka ao anaty fonao ! Eny, ry zanako, ianao no tiako, amin’ny ianao izao ! Raiso bebekokoa hatrany ny Fitiavana izay tiako harotsaka ao anaty fonao, avy hatrany ary koa avy amin’ny alalan’ny olon-kafa.

1D_29: Anaka, fihiniko eo amin’ny Foko ny fonao sy eo amin’ny Fon’ny Reniko Masina. Hampirehetiko amin’ny afon’ny Fitiavana Afoko ny fonao. Sambatra ianao satria, amin’ny alalan’ny fonao, dia ho fo maro no hirehitra amin’ny Afon’ny Fitiavana Afoko. Mitsinjaky ny hafaliana Aho, ry malala. Tiako loatra ianao.

1B_18: Anaka, tsy hamela anao hianjera aho. Ireo “ENY-NAO”, ny fijalianao, indrindra ny nahatsapanao fa lavitra Ahy ianao, no manosika Ahy hiazakazaka hanatona anao, dia hifaly tokoa isika hihaona indray. Noho izany, dia hanamboatra tsikelikely ilay firaisantsika izay miha tsara sy mafy orina isika.

1C_30: Anaka, mitoera ao anatin’ny fankasitrahana sy fiderana, ary tehirizo ny fonao vonona handray sy hitolagaga amin’izay tanterahiko ao aminao, manodidina anao, ary amin’ny alalanao. Aoka tsy hatahotra ianao, mitoera ao anatin’ny Fiadanako, miaraka aminao Aho. Aoka ho tsapanao fa, amin’ny alalan’ny Fitiavako, dia ho tonga Fitiavana ianao. Omeko tso-drano afakely ianao.

2B_09: Anaka, efa miha mifandray bebekokoa hatrany isika. Amin’ny fihaonantsika, ny mahomby indrindra dia ny ifandraisantsika ao anatinao lalina. Mijanóna ho ilay fitaovana kely manaiky sy mety volavolaina eo ampelan-tànan’ny Ray. Amin’ny alalan’izany fanaikena sy fahavononana izany no hahitanao ny tena hanirahana anao dia ny hamela ny Fitiavana hiampita. Avelao ho vontosan’ny Fitiavako ianao satria tena tiako ianao.

2B_26: Ry Bitikako, raha te handray sy hahazo tombotsoa amin’ny Fitiavana, dia ilaina aloha ny fanomezana ny « ENY-NAO » feno ary tsy misy fepetra amin’ny Ray. Amin’ny alalan’io « eny » io no afahan’ny Ray, Ny Rainao, Ny Raiko, Ny Raintsika, miondrika eo aminao mba hanatanteraka ireo fihovana rehetra ilaina, mba afahanao miaina eo amin’ny fonao ary mametraka ireo fahaizanao ampiasain’ny fonao.

1C_12: Ry Bitika malalako, ianao no manapaka ny ora sy fotoana hiaonantsika. Izaho eo foana, manokatra ny sandriko, vonona ny handray anao, na inona na inona fihetseham-po izay ao aminao, na inona na inona toe-panahinao sy ny toe-tsainao. Avia mifitsaka eto an-tratrako, fa voatambitamby eo ianao. Manome toky anao Aho.

3A_25: Anaka, tsy misy tokony hatahoranao. Ny Reniko Masina dia mitrotro anao mba handrotsirotsy anao, ka afahanao miverina amin’ny fonao tamin’ny fahazazanao ary sitranin’ny Fitiavan’ny Ray izay te-hirotsaka ao aminao raha toa ka manaiky hidirany ianao.

1C_23: Anaka, fantatro avokoa izay ilainao. Izaho, dia mijery eo amin’ny tenanao izay hamboariko sy havaoziko, rehefa nahazo fahazoan-dàlana avy aminao. Iriko ny tenanao ho tsara endrika be, hadio be sy ho fotsy tahaka ny oram-panala. Ny manan-danja, dia ny maha ianao anao, ireo izay hamelanao Ahy hotanterahiko ao aminao amin’ny alalanao sy manodidina anao. Matokisa Ahy, satria tiako ianao.

3A_24: Ry Bitikako, rehefa afaka mivezivezy malalaka amin’ny alalanao mba hikasika fo maro hafa ny Fitiavan’ny Ray dia amin’ny fotoana mahakasika ny fon’ilay olona hafa iny dia hisokatra ka ho tonga varavarana amin’ny Fitiavan’ny Ray koa ny Fonao.