3B_21: Ry vady malalan’ny foko, miaraka aminao mandrakariva Aho ary feno haravona Aho mibanjina ny fahasambarako hanolotra anao amin’ny Ray, rehefa tonga ilay fotoana. Avia eto an-tratrako mba afahanao maheno ilay bitsika mamy avy amin’ny molotro izay miteny malefaka sy feno tambitamby aminao hoe Tiako ianao, tiako ianao, tiako ianao.

2A_18: Ry bitikako, raha mba fantatrao manko izay miseho ao anatinao rehefa mipetraka eo anatrehako ianao, ka midina ao anatinao lalina ianao! Raha mba fantatrao manko izay asako ao anatinao, sy ny fomba ampiasako anao hikasika fo maro ao anatin’ny tontolo tsy hita maso… dia ho hitanao fa ireny fotoana hafa kely ireny dia harena sarobidy tokoa!

3B_32: Anaka, fotoanan’ny fivavahana, fitsaona sy fanantonana ireo sakramenta izao. Amin’ny alalan’izy ireo dia hitoetra ao amin’ny fifankazaona tsara amiko ianao, ao anatin’ny fiombonana amin’ireo olo-masina any am-paradisa sy eto an-tany, ary hitoetra ao anatin’ny lamban’ny Reniko Masina ary tsilovin’ny Fanahy Masina sy ho eo ambany fiarovan’ireo Anjely Masina. Koa aza manana ahiahy ianao.

1B_29: Anaka, rehefa miditra ao anatin’ny fonao Aho dia avy hatrany koa dia tafiditra ao anatin’ny fon’ireo fianakavianao. Aza adino fa ireo fianakavianao dia Ahy koa, ary manana fahasoavana maro koa Aho ho an’izy ireo tsirairay avy.

2A_37: Anaka, miombòna ianao amin’ny Ray ao amin’ireo eritreritrao, ireo tENY-NAO sy ireo ataonao. Ny Ray, no Loharano tsy mety ritran’ny Fitiavana, avy Aminy no miainga ny zavatra rehetra ary miverina any Aminy ny zavatra rehetra. Rehefa manàiky ny olona iray fa izany no izy ho azy sy ireo manodidina azy dia miditra ao amin’ny planin’ny Fitiavan’ny Ray izy ; dia ho voadio tanteraka izy, ary fitaovana eo ampelan-tànan’ny Ray izy.

1F_04: Anaka, maniry mafy ny handrotsaka ao aminao onjam-pitiavana ao anatin’ny fonao Aho … Mila anao Aho manaiky bebekokoa ho tiavana tanteraka, hamindràna fo tanteraka, mba hampirehitra anao amin’ny Afon’ny Fitiavako Afo, ary hampitsonika anao amin’ny Afon’ny Fitiavako Afo.

1F_33: Anaka, raha mba fantatrao ny Fitiavana izay misy any An-danitra, raha mba fantatrao ny Fitiavana izay tian’ny Ray harotsaka ao aminao sy ao amin’ireo zanany ety an-tany. Raha mba fantatrao ireo vokatry ny Fitiavana ao anatin’ny fo iray rehefa tena raisina feno izy, dia tsy haniry zavatra hafa ankoatran’ny Fitiavana ianao. Tiako ianao.

1B_20: Anaka, ataivy izay maha bitika anao, angataho io Fahasoavana ho bitika io. Ireo bitika dia tena akaiky ny Foko. Hofenoiko izy ireo. Hofihiniko eo amin’ny Foko izy ireo. Rehefa mifandray amin’ny Foko ny fony dia hiova ny fon’izy ireo.

1B_24: Anaka, Tiako ianao ! Tiako ianao ! Tiako ianao ! Ireo teny ireo dia tokony ho voasoratra ao anatin’ny fanahinao, fonao sy ny sainao, izany hoe ao anatin’ny tenanao manontolo. Manaike ho Tiaviko, Izaho ilay Tomponao. Rehefa mia-manaiky ny hotiavina ianao dia mia-mitoetra ao aminao ny Fitiavako…dia mia-tonga Fitiavana ianao.

3A_33: Anaka, tena mandanja foana ny vavaka sy ny fifadian-kanina ! Tokony ho ivon’ny fiainanao ny Eokaristia ! Ny sakramentan’ny fampihavanana dia mitazona anao ao anatin’ny fadiovam-po! Manaraka izany, atodio any amin’ny Ray mandrakariva ny fijerinao, Izy izay ilay Fitiavana ary hitantana anao mankany amin’ilay sivilizasion’ny Fitiavana! Tiako ianao.