1B_40: Anaka, alohan’ny hangalanao fanapahan-kevitra, dia anontanio Aho. Angataho Aho hanome tolo-tsaina anao dia hataoko izany. Dia avy eo tanteraho araka izay voarainao ao anatin’ny fonao. Manàna fitokisana Amiko ! Ekeo ireo sakana na ireo fahasaròtana, amin’ny fahafantarana fa eo Aho hanampy anao hamaha an’izy ireo. Ataovy izay ataonao ao anatin’ny fahatokisana tanteraka fa miaraka aminao mandrakariva Aho.

1A_12: Anaka, ny sakana amin’ny Fitiavako dia rehefa tsy ekenao ny maha ianao anao. Tiako amin’ny maha ianao anao io ianao, ary tahaka ny miteny ratsy Ahy mihintsy ianao rehefa tsy manaiky anao amin’ny nahariko anao io. Aza mampitahy anao amin’ny hafa : nohariko ho samy hafa ny olombelona rehetra. Tiako ianao.

1F_28: Anaka, raha mba fantatrao fa tena tiako ianao, miaraka amin’ireo haratsianao, ireo fahalemenao sy ireo fetranao, dia ho ekenao ireo, ho tahaka izay ilain’ny Ray aminao amin’izao fotoana izao… Ny fanovana eo amin’ny maha olona anao dia Asan’Andriamanitra fa tsy asanao. Fantany izay tokony iainanao amin’izao fotoana izao. Tiako ianao.

1D_33: Anaka, ny planin’ny Ray, dia ny ahatonga anao « Fitiavana », ny hanomezanao ny « Eny » feno, tsy misy fe-petra, ny hanaikenao hovana, ny handehananao mamita iraka eo amin’ny tontolo tsy hita maso amin’ny alalan’ny vavaka, ny fitsaohana ny Eokaristia Masina, ny fandraisana ireo Sakramenta ary ny fifadihan-kanina.

1D_18: Anaka, tongava ho Fitiavana ! Tsy misy olona eto ambonin’ny tany afaka hanakana anao ho tonga amin’izay antony nahariana anao, raha tsy hoe omenao olon-kafa izany fahefana izany amin’ny fihainoanao azy, toy izay hitoetra hiaino Ahy. Tiako ianao.

1A_25: Anaka, tiako ny hasambatra anao, ny iainanao tsara ao anatinao, kanefa mialohan’izany dia tokony ekenao ny ho tiavina. Te hamihina anao eo an-tsandriko Aho, te hanasitrana ny ferinao Aho, te hisafosafo anao Aho, te hanadio anao Aho raha ilaina. Tiako hatsapa ny Fitiavako ianao.

2A_33: Ry Bitikako, ny hatongavana ho « Fitiavana » : dia ny vavaka, ny fanatonana ireo Sakramenta, ny fifadian-kanina sy ny fitsahoana ny Eokaristia Masina ihany no fitaovana voalohany eo am-pelatànanao. Mba hahazoana tombo-tsoa feno amin’ireny, dia tokony ho feno ny « ENY-NAO », ary tokony tsy misy fisalasalana ny firotsahanao.

3A_11: Ry zanaka malàlan’ny Ray, avia miantoraka ety an-Tsandriko. Aza mandany andro intsony mibanjina na ny lasanao na ny tenanao. Atodiho aty Amiko izay Andriamanitrao ny fijerinao. Banjino ny Fitiavako, banjino ny Famindrampoko. Tsy ho mendrika an’ireo mandrakizay ianao, tsy ho mendrika ireny fahasoavana ireny ianao ; fa raiso ireny ao anatin’ny fonao, satria izany no sitrapon’ny Ray.

1F_13: Anaka, reko ny vavakao ary manomana ny fonao Aho amin’izay ho fiainanao amin’ny andro ho avy. Nofinidiko ianao. Tiako ny fanaikenao sy ny fanirianao tsy hanao afa tsy ny Sitrapoko. Tiako be ianao.

3A_02: Anaka, derao ny Ray amin’izay ataony ao anatinao, eo amin’ny manodidina anao ary amin’ny alalanao. Diloilo manasitrana ny Foko maratra ianao. Mirehi-pitiavana aminao ilay perla kely tsy manan-tsahala sy sarobidy ny Foko. Tiako loatra ianao.