1B_07: Anaka, ny Foko dia misokatra tanteraka mba handray anao. Tsy miandry afa-tsy ireo « ENY » avy aminao Aho. Manaike ianao fenoina ; manaike ianao tiavina, manaike ianao valiana soa, manaike ianao kolokoloina, manaike ianao ho doroin’ny Afon’ny Fitiavako ! Tiako loatra ianao. Tsy misy fetrany ny Fitiavako !

3A_05: Anaka, manatòna manakaiky kokoa Ahy izay Andriamanitrao. Aza mitady Ahy ao amin’ny lohanao na ny sainao; eo amin’ny fonao no misy Ahy. Raha mba fantatrao ny Fitiavako anao ! Raha mba hitanao ny Foko mirehi-pitiavana ho anao, dia ho avy ianao, amin’io ianao io, tahaka ny zazakely, hiantsampy eny an-tsandriko.

1B_39: Anaka, tiako loatra ianao ! Ekeo ny Fitiavako. Dia avy amin’izay no afahanao mitia ny tenanao amin’ny maha ianao anao io, tsy mila faniriana te hiova ! Ary, farany, dia ho tonga Fitiavana tsy misy fitarainana, tsy misy fimenomenomana ianao, ka ho afaka mitia ireo maratran’ny fiainana izay apetrako eny amin’ny làlanao eny.

1C_20: Anaka, rehefa mia-tonga Fitiavana ianao, dia mia-mitodika any amin’ny Fitiavana, dia lasa mia-vavolombelon’ny asany, ao anatin’ireo fo aloha. Rehefa tonga Fitiavana ianao, dia mivavaka amin’ny Ray tsy mihato miaraka Amiko sy ny Reniko Masina ; vokatr’izany dia fo maro be no misokatra amin’ny Fitiavana. Tia anao ny Fitiavana.

2B_28: Anaka, sambatra ianao manome ny « ENY-NAO » amin’ny Raintsika sy feno ny Fitiavany ! Ekeo fa Izaho, Jesoa, dia miondrika eo aminao ary mibitsika aminao eo amin’ny sofina hoe :  « Ry Zanaky ny Foko, Tiako ianao, Tiako ianao, Tiako ianao !

1D_35: Anaka, aza manaiky ajanona na sakanan’ny Fahavalo izay manisy fisalasalana na mamitaka anao, alohan’ny hivavahanao na hitenenanao, fa hoe tsy hanaiky izay ho lazainao ilay olona hiresaka aminao… Mianàra matoky tanteraka an’Andriamanitra, Andriamanitra mahavita ny tsy tsy vitan’olombelona Izy.

3B_27: Ry zanaky ny Foko, Raisiko eto antsandriko ianao. Fihiniko mafy eo amin’ny Foko ny fonao. Dia miaraka mandroso mankany amin’ilay fandresena lehibe isika. Raha mba nahafantratra manko ianao fa tena Tiako! Eny ! tsy manofy ianao, fa Izaho, Jesoa, ilay Sakaizanao hatramin’izay no miteny aminao : «Tiako ianao, Tiako ianao, Tiako ianao ».

1D_13: Anaka, tena faly tokoa Aho rehefa atolotrao Ahy ireo zavatra mampijaly sy ireo zavatra mampatahotra anao. Avy hatrany foana, dia entina eo amin’ny Ray ireo, Izy, izay tonga miaraka amin’ny Rantsa-tànany Mpahary, manapaka ireo fatotra ary mamita ao aminao ny fahariany, amin’ny fanomezany anao ny hatsaranao tany ampiandohana.

3B_39: Ry tantely kely ao anaty ny tranon-tantely ato Amiko, tena mitondra hafaliana lehibe ho Ahy ny fandavan-tenanao, fa indrindra ny fanirianao tanteraka hanantateraka ny sitrapoko. Avia miala sasatra eto amin’ny foko. Mandritran’izany fialantsasatra izany no hanomezako anao ny fahazavana rehetra izay hanilo ny sainao, ny teninao ary ny fihetsikao, mba hifanaraka tsara amin’ny sitrapon’ny Ray.

1D_38: Anaka, eo am-pelatànan’Andriamanitra avokoa ny zavatra rehetra, tsy tokony hisy hatahoranao. Tsy tokony hanana adin-tsaina na fiahiahiana ianao na iray aza, satria fantatrao fa ny Rainao izay tia anao tanteraka no mikarakara ny zavatra rehetra hatramin’ny madinika indrindra… Rehefa manolo-tena bebekokoa ianao, dia afaka miasa bebe kokoa mba hanafaka sy hameno anao ny Ray.