1F_10: Anaka, ekeo izao fiainanao izao tahaka ny tsara indrindra ho anao amin’izao fotoana izao. Tsy mila mahatakatra ny hevitr’izany ianao, ny ilaina dia ny hanoloranao ny « eny » tanteraka tsy misy fepetra, ary ny hanekenao fa tena tiako ianao.
Lahatsoratra
Publications
Menu
Lire Plus
Menu
Ny firotsahanao matotra
![](https://www.fcdj.org/wp-content/uploads/2019/08/2B_22_mg.jpg)
2B_22: Ry zanako malalako, raha omenao Ahy amim-pahatsorana sy amin-kalalahana ny « ENY-NAO », dia ho azonao eo no ho eo ihany ny fahasoavana ilaina mba hamakivaky ireo fahasahiranana izay tsy maintsy andalovanao. Ny firotsahanao matotra no afahanao manomboka manàndrana ny vokatry ny Fitiavana rehefa avela hiasa malalaka Izy.
Ny manaiky manaraka Ahy
![](https://www.fcdj.org/wp-content/uploads/2019/08/3A_19_mg.jpg)
3A_19: Ry Bitika malalako, ny manaiky manaraka Ahy, dia manaiky ny ho rantsànana mba ho havaozina araka ny Sitrapon’ny Raiko. Atolory Ahy ny enta-mavesatrao : ho hitanao fa maivana ny jiogako. Aza matahotra. Sambatra ianao nahita sitraka eo imasoko sy arahin’ny Fitiavako mandrakariva.
Voalohany eo amin’ny fiainanareo
![](https://www.fcdj.org/wp-content/uploads/2019/08/2B_16_mg.jpg)
2B_16: Ianareo Bitikako, tonga ny fotoana mba hikoriana malalaka ao anatin’ireo fo ety ambonin’ny tany, ny Fitiavan’ny Ray. Sambatra ianareo izay tena bitika handray Azy ary hanao Azy ho voalohany eo amin’ny fiainanareo. Ho fenoina bebe kokoa ianareo. Satria tia anareo ny Fitiavana, dia lasa « Fitiavana » ianareo. Tena tiako loatra ianareo.
Malemy sy osa ianao
![](https://www.fcdj.org/wp-content/uploads/2019/08/3B_09_mg.jpg)
3B_09: Ry bitikako, ireo tranga kely sasany eo amin’ny fiainana dia natao mba hampisehoana anao ny fahosanao. Rehefa lasa malemy sy osa ianao dia lasa tsy matahotra na inona na inona satria eo ambanin’ny fiarovan’ny Lamban’ny Reniko Masina, ary Izaho miaraka aminao foana. Miaraka mandroso mankany amin’ny hafenoin’ny Fitiavana isika roa.
Raiso ny Fitiavana izay
![](https://www.fcdj.org/wp-content/uploads/2019/08/2B_08_mg.jpg)
2B_08: Ry zanaky ny Foko, raiso ny Fitiavana izay tian’ny Ray, izay Rainao, Raiko, Raintsika harotsaka ao anatin’ny fonao dia ho feno tanteraka ianao. Misokatra ny lanitra amin’izao fotoana izao, ka ireo izay irian’ny fonao sy takiany dia ho azonao tanteraka.
Te hiresaka aminao amim-pahatsorana Aho
![](https://www.fcdj.org/wp-content/uploads/2019/08/1C_03_mg.jpg)
1C_03: Anaka, avia mifitsaka eto an-tsandriko. Manaike tiavina! Izany no tsara indrindra ho anao amin’izao fotoana izao. Te hiresaka aminao amim-pahatsorana Aho. Avia ! avia ! manaike tiavina ! avia ! Efa mandroso ny fotoana hamelako anao ho diovina amin’ny Afon’ny Fitiavako, fa raha tsy izany dia ho diovina amin’ny alalan’ireo fahoriana ianao.
Fantaro tsy fahafahanao
![](https://www.fcdj.org/wp-content/uploads/2019/08/1A_02_mg.jpg)
1A_02: Anaka, fantaro lalandava ao am-ponao ny tsy fahafahanao manao na inona na inona, na dia mahavita zava-mahagaga mahafinaritra amin’ny alalanao aza Aho indraindray. Iray ihany no andraisanao anjara amin’izany dia ny fanomezanao Ahy ny « ENY-NAO ». Raha tiako ampiasaina ianao dia noho ny Fitiavako feno loatra ho anao sy ho an’ireo zanako rehetra ety an-tany. Tiako loatra ianao, ary tiako ho totofana soa avy aty amiko ianao.
Tokony atao dia ny misokatra mandrakariva
![](https://www.fcdj.org/wp-content/uploads/2019/08/1E_26_mg.jpg)
1E_26: Anaka, rehefa tsy tsapanao eo anilanao Aho dia tsy midika izany fa nanalavitra anao Aho. Eo anilanao mandrakariva Aho. Ny tokony atao dia ny misokatra mandrakariva… Ny toe-piainana rehetra misy anao dia mba afahanao manokatra ny fonao. Noho izany, dia misy ny zavatra rehetra ilaina mba hisokatra tanteraka ny fonao… ary mba hiditra ao ny Fitiavana.
Tohizo ny firosoanao manatona Ahy
![](https://www.fcdj.org/wp-content/uploads/2019/08/1C_14_mg.jpg)
1C_14: R’ilay Bitikako, aoka ianao tsy hatahotra ; tohizo ny firosoanao manatona Ahy, avelao ho tantanako ianao. Izaho no Mpampianatra anao. Tariako ianao hatramin’ireo antsipirian’ny fiainanao. Tohizo ny manome Ahy ny fanaikenao. Tiako ny mahita anao manaiky sy mandray izay tiako omena anao. Amin’izay ianao lasa « Fitiavana ».
- Go to the previous page
- 1
- …
- 8
- 9
- 10
- 11
- 12
- 13
- 14
- …
- 40
- Go to the next page
Misoratra anarana ao amin’ny fampahalalam-baovao hahazoana vaovao farany