1B_33: R’ilay Bitikako, ireo « Eny » izay atolotrao Ahy sy ireo vavaka fanelanelànanao, indrindra ireo vavaka izay ampandalovina amin’i Maria, Reniko tena Masina dia manandanja be tsy araka ny fihevitrao. Raha lehibe ny finoanao rehefa mivavaka Amiko ianao, dia ho afaka manatanteraka bebekokoa Aho. Angataho Amiko ny hampitomboiko ny finoanao !

1D_30: Anaka, ny miasa ao anatin’ny finoana, dia ny manaiky manao ilay asa na dia mbola tsy fantatrao aza ny mety ho vokatr’ilay asa. Raha ambarako anao dieny mialoha ireo vokany, dia manjary tsy mila handroso ao anatin’ny finoana madio intsony ianao, toy izay iriko ho anao, amin’izao fotoana izao. Fenoiko ny Fitiavako ianao. Tiako ianao.

1C_09: Ry mahantra keliko, tiako ny tonga mamonjy anao, tahaka ny fitiavanao mandeha mamonjy ny iray amin’ireo zafikelinao, mba handray azy eo an-tsandrinao, mba hamihina azy eo an-tratranao sy mba itenenao azy hoe : aza matahotra, tia anao i Dadabe/ Nenibe. Eo Aho ary miaro anao.

2B_23: Ry Bitikako, ny lohanao, ny fisainanao ary ireo fahaizanao dia tokony ampiasaina ho an’ny fonao fa tsy ny mifanohitra amin’izany. Ny itoeranao eo amin’ny fonao no afahanao maheno, mahatakatra, ary mahazo ny Fitiavana izay tiako hatondraka ao aminao amin’izao fotoana izao.

1F_12: Anaka, miaike ny fahalemenao ary manaike ianao tiavina amin’ny fanoloronao ireo « eny ». Raiso ny tondram-pitiavana izay arotsako ao anatin’ny fonao, amin’izao fotoana izao ! Tiako ianao.

3A_23: Anaka, avia manatòna akaikikaiky eo amin’ny Foko mba hatsapanao bebekokoa ny Fitiavako. Mila anao Aho ; sarobidy ho Ahy ianao. Ekeo ny Fitiavako dia ho hitanao fa izay noheverinao fa manandanja dia tsy misy dikany. Mirehi-pitiavana ho anao Aho, tena tiako ianao.

1A_39: R’ilay Bitikako, te hikikiaka aminao ny Fitiavako Aho. Ekeo fa tiako ianao. Tsy fantatrao ny halehibeazany, ny aavony, ny sakany ary ny alalin’ny Fitiavako. Ny Fitiavako ny tsirairay aminareo Zanako eto an-tany dia tsy manam-petra. Mananaraka azy tsirairay Aho mba hilazako sy mba hatsapany ny Fitiavako.

1B_29: Anaka, rehefa miditra ao anatin’ny fonao Aho dia avy hatrany koa dia tafiditra ao anatin’ny fon’ireo fianakavianao. Aza adino fa ireo fianakavianao dia Ahy koa, ary manana fahasoavana maro koa Aho ho an’izy ireo tsirairay avy.

2A_18: Ry bitikako, raha mba fantatrao manko izay miseho ao anatinao rehefa mipetraka eo anatrehako ianao, ka midina ao anatinao lalina ianao! Raha mba fantatrao manko izay asako ao anatinao, sy ny fomba ampiasako anao hikasika fo maro ao anatin’ny tontolo tsy hita maso… dia ho hitanao fa ireny fotoana hafa kely ireny dia harena sarobidy tokoa!

3B_17: Ianareo zanaka malalan’ny Ray, amin’ireny fotoana hiaonantsika ampitiavana ireny no hazoanao ireo zavatra tena sarobidy izay mitoetra any anatinao lalina any. Amin’ny firaisantsika am-po tokoa no hahatonga anao ho tonga olon’ny fitiavana mifanandrify indrindra amin’ny sitrapon’Andriamanitra… ary ny fitiavany dia afaka miampita malalaka hikasika olona hafa koa amin’ny alalanao, ny vokatr’izany dia tsy hita maso aloha amin’ny voalohany fa kosa, tonga hita maso ao aoriana kely.