1F_21: Anaka, rehefa mibanjina ireo fijaliako, sy ireo fijalian ‘ny RENY-NAO any Andanitra ary ny an’ireo olomasina izay nialoha anao, dia hanovo hery izay ilainao ianao amin’ny alalan’izany, mba tsy ho rava ny « ENY-NAO ». Sambatra ianao izay afaka miara mijaly Amiko.
Ny hevitry ny andro
Menu
Lire Plus
Menu
Mankadiry ny Fitiavako ho anao
![](https://www.fcdj.org/wp-content/uploads/2019/08/1B_03_mg.jpg)
1B_03: R’ilay Bitikako, mankadiry ny Fitiavako ho anao ka tsy haiko ny handà anao. Na dia mbola tsy mangataka akory ianao dia efa henoko ny fanirian’ny fonao. Ataoko ho toy ny faniriako izany ary dia atolotro ny Raiko, Rainao no sady Raintsika ary Izy dia handray azy tsy ampisalasalàna ao amin’ny Fitiavany.
Tokana ihany ny faniriako
![](https://www.fcdj.org/wp-content/uploads/2019/08/1E_29_mg.jpg)
1E_29: Anaka, aza matahotra manatona miantsampy ety An-tsandriko. Isaky ny manao dingana iray manatona Ahy ianao, dia manao dingana folo Aho mba hihaona aminao. Tokana ihany ny faniriako : dia ny mba ho eo akaikaiky anao. Tiako ianao.
Mitoera amin’ny fanetre-tena tanteraka
![](https://www.fcdj.org/wp-content/uploads/2019/08/2A_23_mg.jpg)
2A_23: Ry bitikako, mitoera amin’ny fanetre-tena tanteraka. Rehefa miha midina amin’ny fanetre-tena ianao, dia miha manantona Ahy ianao ary dia ho afaka handray ny Fitiavako. Rehefa miha ovain’ny Fitiavako ianao, dia miha feno fanomezam-pahasoavana (karisma).
Homeko anao ireo fahazavan-
![](https://www.fcdj.org/wp-content/uploads/2019/08/1C_28_mg.jpg)
1C_28: Anaka, isaky ny misy fiahiana ianao, aoka ianao ho maika hanome Ahy izany, toy izay hitady vahaolana. Manome toky anao Aho : ho lasa fiahiako ilay izy ary horavako aingana. Aoka ny fonao hitdika mandrakariva aty amiko mba hanandrana ny Fitiavako. Homeko anao ireo fahazavan-tsaina hahitanao ny vahaolana.
Iombona amin’ny Zanako, Jesoa
![](https://www.fcdj.org/wp-content/uploads/2019/08/1B_14_mg.jpg)
1B_14: Ry zanako malalako, maniry ny ahita anao iombona amin’ny Zanako, Jesoa, Aho, tahaka an’i Jesoa iray amiko ; dia hikoriana ao aminao ny Fitiavako. Raha miha mikoriana bebe kokoa ao aminao ny Fitiavako, dia vao maika ny Fisainanao ho tonga toy ny Fisainako, izany hoe tsiloviko tanteraka.
Ametrahanao fitokisana
![](https://www.fcdj.org/wp-content/uploads/2019/08/3A_14_mg.jpg)
3A_14: Ry Bitikako, rehefa misy aingam-panahy ao anatinao manosika anao hanatona na hiantehatra amin’ny olona iray na olona maro, dia tsy amin’izy ireny no ametrahanao fitokisana fa amin’ny Fitiavan’ny Ray izay hanome tolo-tsaina azy ireo mba hitantana anao tsara. Notsinjarain’ny Ray ireo Fanomezany sy ireo fanomezam-pahasoavany (fahalalana sy fahendrena) amin’ny olona maro, ary ao anatin’ny planim-pitiavany dia tiany ny handalo amin’ny olona mba hatanteraka ny Planiny.
Miaraka aminao Aho
![](https://www.fcdj.org/wp-content/uploads/2019/08/2B_14_mg.jpg)
2B_14: Ry zanako malalako, miaraka aminao Aho ary omeko anao avokoa izay ilainao rehetra mba handrosoanao eo amin’ny làlana izay anao, ary hanatanterahanao ny iraka izay ankiniko aminao noho ny Fitiavako an’ireo zanako. Raiso ny oroky ny Ray amin’ny zanany malalany, sy ny tambitambiko ary ny Fitiavako izay zakan’ny fonao ankehitriny.
Tsy very maina ny fijalianareo
![](https://www.fcdj.org/wp-content/uploads/2019/08/3B_40_mg.jpg)
3B_40: Ry zanako rehetra eto an-tany izay mandalo fahoriana ankehitriny, tsy very maina ny fijalianareo, indrindra raha atolotrareo Ahy izany. Ny fiodinan’ny vahoakako no tsy maintsy mahatonga izany fanadiovana ny tany izany. Aza mitady hanarina izany tranga izany amin’ny herinareo irery ianareo fa tsy ho vitanareo izany. Hatsaharo ny miantehatra amin’ny tenanareo, ka atodio aty Amiko ny fijerinareo, Izaho izay Andriamanitrareo fa hahazo fiadanam-po, hafaliana, Fitiavana ary Fahazavana ianareo, izay hanampy anareo. Mihaike ny hadisoanareo, ny fihodinanareo, ny fahosanareo dia ho vavolombelon’ny asako ianareo. Mirehipitiavana aminareo tsirairay avy ny foko. Ny Rainareo.
Mitoera ao anatin’ny figagàna
![](https://www.fcdj.org/wp-content/uploads/2019/08/1B_05_mg.jpg)
1B_05: R’ilay Bitikako, mitoera ao anatin’ny figagàna ary aoka ianao ho ao anatin’ny fiderana bebekokoa. Rehefa ao anatin’ny fiderana bebekokoa ianao, dia ho vavolombelon’ny Asanay sy ny Fitiavanay bebekokoa. Izay hanentàna ao aminao fiderana betsaka sy antony maro hafa amin’ny figagàna. Vokatr’izany dia hiditra avy hatrany, dieny mbola velona ianao, ao amin’ny fahasambarana mandrakizay.
- Go to the previous page
- 1
- 2
- 3
- 4
- 5
- 6
- 7
- 8
- …
- 40
- Go to the next page
Misoratra anarana ao amin’ny fampahalalam-baovao hahazoana vaovao farany