1A_24: Anaka, ekenao ve ny ho lasa tahaka an’io fo izay tia tanteraka io, ho tahaka Ahy nitia, tia ary hitia… miaraka amin’ireo fijaliana, ireo hafaliana, ny fiadanam-po sy ny Fitiavana aterak’izany, izay afaka tsy ho omenao fotsiny ihany fa ho azonao koa ? Miandry ny valin-teninao Aho. Tiako ianao.

1C_39: Anaka, homany ny fonao amin’ny vavaka sy ny fandàvana ny tenanao, mba hatonga anao mihaino Ahy bebekokoa, tsy ny Teniko sy ireny tolo-tsaina ireny ihany, fa koa, ary indrindra, amin’ireny zava-mitranga mahafinaritra na mampalahelo ireny. Raha avelako hiaina an’ireny ianao, dia fampianarana ho anao ireny, izay tokony horaisinao mba hitomboinao.

1E_15: Anaka, rehefa mia-manaiky handany fotoana miaraka Amiko ianao, ary mia-mandray ny Fitiavako, dia mia-afaka mampiasa anao koa Aho mba hihaona amin’ireo zanako hafa koa izay tiako tokoa. Mila olona izy ireo hihaino, ao amin’ireo sofiny, izay efa reny tao am-pony. Tiako ianao.

3B_19: Ry bitikako, tsy ny zavatra iainanao ety ivelan’ny tenanao no manandanja fa izay iainanao ao anatinao. Amin’ny alalan’ny fiovana izay ao anatinao no mampiposaka ny fahazavana izay tadiavinao. Ny Firaisam-po misy eo amintsika koa no hibitsika aminao fanampahan-kevitra mendrika, amin’ny fotoana mahamety azy...Koa aza matahotra fa miaraka aminao Aho ary rehefa tonga ny fotoana ilaivana azy dia ho tariako ianao satria tiako tokoa ianao.

2A_10: Ry zanaky ny Foko, nanome « eny » betsaka ianao ; Mitaky « eny » hafa fanampiny ny Ray mba hamitany ny sanganasan’ny Fitiavana izay ianao ihany. Aza mandany andro mijery ny tenanao, na koa manontany tena. Tazony mitodika eo amin’ny Ray ny fijerinao, banjino ny Fitiavany. Aza mitady ny mba ho mendrika an’izany, satria tsy ho mendrika ny Fitiavany mandrakizay ianao, tsy ho vitanao mandrakizay ny ho mendrika ny Fitiavana lavorary. Raiso, raiso, raiso ny Fiantrany, ny Famindram-pony sy ny Fitiavany, satria izany no tiany ho tanteraka.

1F_40: Anaka, ireo zava-mitranga aminao dia fitaovana ao anatin’ny ny fitaovana hafa rehetra izay nofidian’ny Ray ho sakafonao isan’andro, izay ilaina amin’ny fanovana anao. Ka raha aingana ny handraisanao, ny hiainanao sy hanoloranao ireny amin’ny Ray dia ho aingana koa ny fahatongavan’ireo vokatra. Tiako ianao.

3A_16: Ry Bitikako, ianao izay eo amin’ilay làlana mitondra anao amin’ny hafenoin’ny Fitiavana, dia tsy maintsy ianao, isan’andro, hiditra lalindalina ao anatinao, mba hahitanao ao ireo harena izay nafeniny tao tamin’ny fotoana nahariany anao toy : ny FINOANA tsy misy fetrany amin’ny Rainao any an-Danitra ; ny FAHATOKISANA tanteraka Azy ; ny FANANTENANA ambony dia ambony ; ny FITIAVANA mitombo sy mihavao amin’ny alalan’ny fisokafan’ny fonao.

1B_02: R’ilay Bitika, tiako ny mahita anao bitika mba handraisako anao eo an-tsandriko, ary ho fihiniko eo amin’ny foko. Rehefa tafatohoka tanteraka amin’ny foko ny fonao dia afaka mampirehitra azy amin’ny Afon’ny Fitiavako anao, ary mifehy azy amin’ny Fitiavako ! Avia andràmo ny Fitiavako. Tiako ianao !

1E_31: Anaka, tsy misy afatsy fanafody tokana ihany no entina miady amin’ny fahoriana ara-moralin’ireo rahalahinao sy anabavinao : dia ny Fitiavana, Fitiavana hatrany, Fitiavana ihany, tsy misy afatsy Fitiavana. Misaotra anao ao amin’ny fianarako, dia ny Fitiavana. Tiako ianao.

1C_34: R’ilay Bitikako, Fifaliana lehibe ho Ahy ny mamihina anao eo amin’ny Foko. Raisiko ho aty amiko avokoa izay mavesatra loatra ho anao, tahaka : ny harerahanao, ireo adi-tsainao, ireo tebitebinao, ireo ahiahinao sy ireo tsy fahalavorarianao fahiny. Tsoahiko eo aminao daholo izany enta-mavesatrao rehetra izany, izay manakana anao tsy ho Ahy tanteraka. Fenoiko ny Fitiavako, ny Fifaliako sy ny Fiadanako ny toerana nialan’ireo.