3A_18: Anaka, ny fametrahanao ny fitokisanao manontolo amin’ny Fitiavan’ny RAY no hanamaivana anao amin’ny lanjan’ny vesatra izay lanjainao. Sambatra ianao mahatakatra izany zava misy izany dia ny herin’ny asan’ny Fitiavanan’ny Ray izay miatomboka mandrakariva aminao, alohan’ny hahitana azy amin’ny manodidina anao ary amin’ny alalanao.

1A_20: Anaka, tiako ny hanaja tanteraka ny fahalalàhanao. Tiako loatra ianao ! Ho Ahy, ny mitia anao, dia ny mamela anao ao anatin’ny fahalalahana aloha. Tokony ho fantatrao koa izany fa raha tianao ny ho ampiasaiko, dia tokony hanaja ny fahalalahan’ireo izay olona ataoko eny amin’ny làlanao eny koa ianao.

2B_18: Ry bitikako, raha amin’ny herinao, dia tsy ho tratranao ilay toeram-pahamasinana mahay mitondra tena tsara manoloana ireo ady atrehana. Ny misotro eo amin’ilay loharanom-pitiavan’ny Ray tsy tapaka ihany, ary ny fanaikenao havaozin’io Fitiavana io no afahanao mahatratra izany. Raha lazaina amin’ny fiteny hafa, dia amin’ny fangatahana sy ny famelàna ny Fitiavan’ny Ray hiasa ao anatinao no mahatonga ny zavatra rehetra ho tanteraka, na dia ireo tsy heverina ho vitan’ny olombelona aza.

1E_09: Ry Zanaky ny Foko, avia mifitsaka eo an-tsandriko, mba hamihinako ny fonao eo amin’ny Foko ! Ny fonao dia mirehitra tanteraka amin’ny Afon’ny Fitiavako Afo. Tsy ny fonao intsony no mitepo ao an-tratranao, fa ny Foko. Ankehitriny dia Izaho no mitia sy mamela heloka amin’ny alalanao !

1F_16: Anaka, banjino ireo fihetsiko teo amin’ireo akaiky Ahy…hampianatra anao hanantena, na inona na inona hitranga na iza hitsipaka na iza hitsivalana. Arotsako ao aminao ny fahasoavam-pinoana lalina. Tiako ianao.

1C_17: Anaka, tiako ianao, mila anao Aho, sarobidy eo imasoko ianao. Manaike tiaviko, mahatsiaro fifaliana be Aho mihaona amin’ny fo iray izay manaiky hotiavina, izay fenoiko tsy tapaka ary ampidinako ao anatiny ny Fitiavako izay efa mitobaka. Mangalà fotoana handray Azy, hanandrana Azy !

2B_29: Ry Bitikako, iray ihany no zava-dehibe sy maika, dia ny fanomanana ny fo. Ny fo voaomana, dia fo afaka miditra ao anatin’ny fifandraisam-pitiavana lalina amin’Andriamaniny. Io fifandraisana io, Anaka, no ho tsapanao ao anatinao, any anatinao lalina ary hiteraka fialofam-Piadanana, Fifaliana, Fitiavana izay nirianao nanomboka tamin’ny fiandohan’ny nahariana anao.

1A_35: Anaka, vonona mandrakariva Aho hiasa ao anatinao sy amin’ny alalanao. Tokony avelanao hiasa Aho; nefa dia tsy maintsy mihena ianao mba hatanteraka an’izany. Raha mifikitra mandrakariva eo Amiko ianao, dia Izaho mandrakariva no handalo ao aminao sy amin’ny alalanao. Io fato-pifandraisana io no ilaiko ho mafy orina tsara miaraka aminao.

1F_36: Anaka, rehefa tena vonton’ny Fitiavana ianao dia tahaka ny sponjy izay mitete rano eran’izay hitondrana azy. Manondraka Fitiavana eny amin’izay handalovanao ianao. Mangalaha mandrakariva fotoana mba hivontosanao ilay ranonoram-pitiavana izay mirotsaka betsaka tsy tapaka eo aminao. Tiako ianao.

3A_30: Anaka, raha mba fantatrao manko fa mirehi-pitiavana tanteraka aminao ny Foko ! aza mandany andro intsony ianao mijery ny tenanao na mandrefy anao. Avia miantsapaza ety an-trotroiko, ary sokafy midanadana kokoa ny fonao handray ny Fitiavako. Tiako amin’ny maha ianao anao izao ianao. Eny tendrement tiako ianao, et follement tiako ianao. Raiso ny Orokako feno tambitamby. Tiako ianao.