3B_16: Anaka, matetika avy amin’ny alalan’ny fahalemenao, ny fahosanao ary ireo izay heverinao hoe hadisoanao no hafahako mikasika sy mihaona ny olona hafa. Isaky ny miaiky ianao fa kely dia vao mainka hitoetra ao aminao ny Fitiavan’ny Ray. Ary raha mitoetra ao aminao ny Fitiavana dia ho mora koa ny hipariahany hihaona amin’ny fon’ny hafa amin’ny alalanao. Koa ny fisinao dia ho lasa fahazavana ho an’ireo fo izay mitady an’Andriamanitra.

1C_40: Anaka, avia mifitsaka eto an-tratrako mba hahita Fiadanana sy Fifaliana, Fitoniana sy Fahasambarana. Rehefa lavitra Ahy ny eritreritrao, dia manomboka misy adin-tsaina ianao ary indraindray tahotra. Kanefa, ny Fitiavako dia mitobaka ho anao, ary tiako ho sambatra tanteraka ianao. Tsy ho tonga aminao izany raha tsy eo anatrehahako ianao, raha tsy mitodika aty Amiko ny fijerinao, ary ho tonga mihaona Amiko ao anatinao.

2A_05: Anaka, raha mba fantatrao ny lanjan’ny fijaliana mba hidiranao lalindalina ao anatin’ny Fitiavana… Ny fijaliana dia miova ho fahasoavana sy tso-drano rehefa raisina sy atolotran’ny Ray miaraka amin’ireo Fijaliako.

1B_08: Anaka, mba tiako ny mahita anao toy ny zazakely sy mihaino Ahy. Amin’io fotoana io no ahafahako mandrakotra anao ireo Fahasoavako sy ny Tso-dranoko. Io ilay fotoana tsara ho anao mba ho hatanteraka ny fanovana ny fonao, fotoana hatonga anao ho Fitiavana, fotoana iveloman’i Kristy ao aminao ary mahatonga anao ho andry iankinan’ny Egliziko.

2B_17: Anaka, apetraho ao anatin’ny Foko ireo tranga rehetra izay hiainanao, ary izay hatsapanao fa hanararàotana anao ; ialao araka izay vitanao ireo fifandirana. Banjino ny fitondrantenako manoloana an’ireo izay nifanatrika Tamiko. Hanovozanao hery vaovao izany, izay afahanao miaina sahady ny fitondratena ao amin’ilay Fiaraha-monina Vaovao, izay tena samy hafa amin’ny fitondrantena eo amin’ny fiaraha-monina amin’izao fotoana.

1E_20: Anaka, dia fifaliana vaovao ho Ahy hatrany ny fiombonako am-po sy saina aminao. Izany fifandraisana izany dia diloilo manasitrana ny Foko maratra. Tiako ianao.

1E_19: Anaka, mandrosoa, ary isaky ny handroso ianao dia hidaraboka tsirairay avokoa ireo sakana rehetra. Aza mihorohoro. Mianàra mametraka ny fitokisanao Amiko, miaraka aminao foana Aho… Iriko ho Ahy tanteraka ianao, tohizo ny mihaino mandrakariva Ahy. Tantanako ianao ary tena tiako.

2A_19: Ry bitikako, raisiko ny fahalemenao, ny faharefonao sy ny fahosanao, ary koa ireo fijaliana vokatr’ireo aminao. Akambako amin’ny fijaliako ireo. Apetrako ao anatin’ireo Feriko Masina izy ireny mba hatolotra ny Ray, tahaka ny fehezan-draozy izay mamerovero, mba afahanao miaina ao anatinao haravoana lehibe avy amin’ireo fahoriana ireo.

1D_27: Anaka, raiso ireo fahasoavana feno izay alefan’ny Ray ho anao amin’izao fotoana izao. Na dia tsy fantatrao aza, dia misy fiovana be maro tanteraka ao anatinao. Eo amin’ny làlam-be izay mitondra anao eo amin’ny Fitiavana ianao.

1A_23: Anaka, sokafy tsara mandrakariva ny fonao sy mahay mandray ny Teniko. Hampianariko anao ireo izay tokony ho fantatrao mba ho apositôliko ianao. Mila apositôly araka ny Foko Aho izay manaiky ho ampianariko, havaoziko, tarihiko ary tiaviko.