3A_14: Ry Bitikako, rehefa misy aingam-panahy ao anatinao manosika anao hanatona na hiantehatra amin’ny olona iray na olona maro, dia tsy amin’izy ireny no ametrahanao fitokisana fa amin’ny Fitiavan’ny Ray izay hanome tolo-tsaina azy ireo mba hitantana anao tsara. Notsinjarain’ny Ray ireo Fanomezany sy ireo fanomezam-pahasoavany (fahalalana sy fahendrena) amin’ny olona maro, ary ao anatin’ny planim-pitiavany dia tiany ny handalo amin’ny olona mba hatanteraka ny Planiny.

2B_14: Ry zanako malalako, miaraka aminao Aho ary omeko anao avokoa izay ilainao rehetra mba handrosoanao eo amin’ny làlana izay anao, ary hanatanterahanao ny iraka izay ankiniko aminao noho ny Fitiavako an’ireo zanako. Raiso ny oroky ny Ray amin’ny zanany malalany, sy ny tambitambiko ary ny Fitiavako izay zakan’ny fonao ankehitriny.

3B_40: Ry zanako rehetra eto an-tany izay mandalo fahoriana ankehitriny, tsy very maina ny fijalianareo, indrindra raha atolotrareo Ahy izany. Ny fiodinan’ny vahoakako no tsy maintsy mahatonga izany fanadiovana ny tany izany. Aza mitady hanarina izany tranga izany amin’ny herinareo irery ianareo fa tsy ho vitanareo izany. Hatsaharo ny miantehatra amin’ny tenanareo, ka atodio aty Amiko ny fijerinareo, Izaho izay Andriamanitrareo fa hahazo fiadanam-po, hafaliana, Fitiavana ary Fahazavana ianareo, izay hanampy anareo. Mihaike ny hadisoanareo, ny fihodinanareo, ny fahosanareo dia ho vavolombelon’ny asako ianareo. Mirehipitiavana aminareo tsirairay avy ny foko. Ny Rainareo.

1B_05: R’ilay Bitikako, mitoera ao anatin’ny figagàna ary aoka ianao ho ao anatin’ny fiderana bebekokoa. Rehefa ao anatin’ny fiderana bebekokoa ianao, dia ho vavolombelon’ny Asanay sy ny Fitiavanay bebekokoa. Izay hanentàna ao aminao fiderana betsaka sy antony maro hafa amin’ny figagàna. Vokatr’izany dia hiditra avy hatrany, dieny mbola velona ianao, ao amin’ny fahasambarana mandrakizay.

2B_30: Anaka, afaka miaina ao anatin’ny Fiadanana sy Fifaliana ianao, amin’ny tranga iray izay mampatahotra, mahakivy ary mampitaintaina be ho an’ny olona rehetra. Ny fijerevana an’izany amin’ny alalan’ny masom-pinoana, ary ny fahafantaranao fa kely sy tian’Andriamanitra ianao no andraisanao ao anatinao izay ilainao rehetra mba hazakanao izay mitranga ety ivelany nefa tsy voafehinao.

1E_32: Anaka, aoka tsy hatahotra ianao, mandrosoa mandrakariva mankany amin’izay hitondrako anao. Tsarovy mandrakariva izay tena misy dikany indrindra ho anao : dia ny fifandraisana am-pitiavana amintsika… ianao ao Amiko ary Izaho ao aminao. Tonga tanteraka io fifandraisana io amin’ny alalan’ireo « Eny » ataonao ampankatoavana amin’ny Sitrapoko.

1D_23: Anaka, tsy vitan’ny tany ny mampanjavona ny oram-panala mandrakotra azy ; ny masoandro ihany no afaka mampanjavona azy. Rehefa miasa ny masoandro dia manjovona aingana be ny oram-panala. Ianao, dia mitovy amin’ny tany ; ireo adin-tsainao ; mitovy amin’ny oram-panala ; ary ny Fitiavana, mitovy amin’ny masoandro, ny maha samy hafa azy dia ianao manaiky mba hiasan’ny Fitiavana.

2B_20: Anaka, satria ny Fitiavana dia tia anao, dia amin’ny alalan’izany ihany no hatonga anao ho olona feno Fitiavana. Ireo izay tsapanao fa mifanohitra amin’ny Fitiavana, dia omeo ny Famindrampon’ny Ray mba hanovàny azy ho Fitiavana. Mianàra mijery izay tsara ataon’ny Ray amin’ny hafa, toy izay, mijery ireo tsy fahombiazany sy ireo hadisoanay.

1A_06: Anaka, sarobidy ianao ho Ahy.  Henoy lalandava Aho. Mitarika ny dianao Aho. Sokafako tsirairay ireo làlana izay tokony ho sokafana. Ary  hidìko ireo làlana izay tokony hidìna. Izaho no Mahefa ny zavatra rehetra ary mikarakara na dia ireo madinika indrindra eo amin’ny fiainanao aza.

1F_07: Anaka, maro ireo izay voafatotry satana ! Atolory Ahy izy ireny. Afahako izy ary ataoko vavolombelona rehefa voaova amin’ny alalan’ny Fitiavana. Ny Fitiavana no manao ny zavatra rehetra, rehefa avela hiasa Izy. Tiako ianao.