1D_02: Anaka, te hampianatra anao hanana fijery hafa amin’ireo olana sy famahana azy ny Ray, dia ny fijerevana ny zavatra rehetra aimin’ny mason’ny finoana, ny hamelàna ny zavatra rehetra eo ampelantanan’Andriamanitra… ary ianao, izay hitolagaga, hidera ary hiravoravo, ho lasa vavolombelon’ny Asako. Manaraka an’izay dia ho afaka hampianatra izay niainanao ianao.

1E_40: Anaka, ilaina mandrakariva ny « ENY-NAO » mba handrosoana lavidavitra, satria ny Ray dia manaja mandrakariva ilay fahafahana lehibe izay nomeny ho an’ireo zanany tsirairay. Na dia ny « tsia » aza no azony manoloana ny « Eny » izay takiany dia tsy ho tsoahany mandrakizay ny Fitiavany. Tiako ianao.

1D_21: Anaka, tao anatin’ny rivo-mahery, rehefa noheverina fa natory Aho tao an-tsambokely, dia sarotra ho an’ireo Apôsitôliko ny nametraka ny fitokisany tamiko ; toy izany koa ny anao amin’izao fiainanao ankehitriny izao. Raiso ny Fitiavako, matokisa Ahy, ho vavolombelon’ny Heriko ianao. Rakofako ny Fitiavako ianao.

1E_12: Anaka, aoka tsy hisy fahatahorana ao aminao. Nahita sitraka eo imasoko ianao. Amin’ireny fotoana izay tsy havitanao mifehy ny eritreritrao izay somebisebin’ireo zavatra ety ivelany, dia voatsapanao ny maha tsy ampy hery anao, sy ny maha voafetra anao. Raha tsy Izaho, dia tsy afaka manao na inona na inona ianao, na ny vavaka aza; satria ny zavatra rehetra dia fahasoavana.

1A_09: Anaka, ankìniko amin’ny Reniko Masina ianao mba hanoizany mampianatra anao izay tokony ho fantatrao. Tiany be ianao ary arovany ianao. Aza matahotra ny manohy mandroso ao anatin’ny finoana. Hahita zavatra maro ianao.

3B_35: Anaka, ianao izay novolavolaiko tamim-pitiavana tokoa, ianao izay nomeko olona maro izay nofidiko tsara hanodidina anao mba hafahanao mandray fitiavana betsaka : voalohany amin’izy ireny ny Ray aman-dReninao, ny anabavinao, ny anadahinao ary maro hafa koa… aza manana ahiahy na kely fotsiny aza amin’ny Fitiavako, Izaho Andriamanitrao.

1B_25: Anaka, manontany tena matetika ianao ny amin’ny tokony ezaka ataonao mba hampifaly Ahy hatrany. Tsy ny manao fa ny miaina no zava-dehibe. Ny ilaiko, dia ireo olona miova ho Fitiavana. Rehefa lasa Fitiavana ianao, dia ho tonga vavolombelona marina, andry iankinan’ny Egliziko Vaovao.

3A_32: Anaka, tohizo hatrany ny fandrosoana ao amin’ny finoana madio. Vavolombelona ianao fa tantanako sy tsiloviko tokoa ianao. Aoka tsy hiahiahy ianao, sokafako avokoa ny varavarana rehetra izay tokony hisokatra ary hakatoko ireo varavarana rehetra izay tokony hikatona. Mbola averiko ihany, ho vavolombelon’ny asako ianao. Tiako ianao.

1A_31: Anaka, banjino izay tsy maintsy niainako raha teny amin’ny làlan’ny kalvery Aho ! Ny zava-dehibe dia ny nifikirako mandrakariva tamin’ny Raiko mba hanatontosako tsara ny asa nankininy Tamiko araka izay tiany sy ny hifikirako amin’ny sitrapony fa tsy ny sitrapoko. Omeo Ahy ny sitraponao dia manàna fitokisana Ahy.

3B_14: Ry bitikako, aza miraika amin’izay fironan-kevitr’izao tontolo izao sy ireo lazaina fa sarobidy eto an-tany. Tokana ihany no tokony ho tanjonao dia ny manatanteraka ny Sitrapon’ny Ray. Mirehim-pitiavana aminao ny Foko. Avelao ny afon’ny Fitiavako handoro anao amin’ny afony. Tiako ianao