2A_36: Ry Bitikako, raha mba fantatrao hatraiza ny hafaliako mahita anao ela ny ela ka nandray ny Fitiavana izay tiako harotsaka ao anaty fonao ! Eny, ry zanako, ianao no tiako, amin’ny ianao izao ! Raiso bebekokoa hatrany ny Fitiavana izay tiako harotsaka ao anaty fonao, avy hatrany ary koa avy amin’ny alalan’ny olon-kafa.
Ny hevitry ny andro
Menu
Lire Plus
Menu
Fihiniko eo amin’ny Foko ny fonao
![](https://www.fcdj.org/wp-content/uploads/2019/08/1D_29_mg.jpg)
1D_29: Anaka, fihiniko eo amin’ny Foko ny fonao sy eo amin’ny Fon’ny Reniko Masina. Hampirehetiko amin’ny afon’ny Fitiavana Afoko ny fonao. Sambatra ianao satria, amin’ny alalan’ny fonao, dia ho fo maro no hirehitra amin’ny Afon’ny Fitiavana Afoko. Mitsinjaky ny hafaliana Aho, ry malala. Tiako loatra ianao.
Tohizo hatrany ny fanoloranao Ahy ireo fijalianao
![](https://www.fcdj.org/wp-content/uploads/2019/08/2A_07_mg.jpg)
2A_07: Anaka, tohizo hatrany ny fanoloranao Ahy ireo fijalianao raha vao tsapanao. Ho tsikaritrao bebekokoa ny Fisiako eo anilanao hanamaivana ny enta-mavesatrao. Tadidio fa tsy irery mandrakizay ianao : miaraka aminao foana Aho.
Ilay firaisantsika izay miha
![](https://www.fcdj.org/wp-content/uploads/2019/08/1B_18_mg.jpg)
1B_18: Anaka, tsy hamela anao hianjera aho. Ireo “ENY-NAO”, ny fijalianao, indrindra ny nahatsapanao fa lavitra Ahy ianao, no manosika Ahy hiazakazaka hanatona anao, dia hifaly tokoa isika hihaona indray. Noho izany, dia hanamboatra tsikelikely ilay firaisantsika izay miha tsara sy mafy orina isika.
Mitoera ao anatin’ny Fiadanako
![](https://www.fcdj.org/wp-content/uploads/2019/08/1C_30_mg.jpg)
1C_30: Anaka, mitoera ao anatin’ny fankasitrahana sy fiderana, ary tehirizo ny fonao vonona handray sy hitolagaga amin’izay tanterahiko ao aminao, manodidina anao, ary amin’ny alalanao. Aoka tsy hatahotra ianao, mitoera ao anatin’ny Fiadanako, miaraka aminao Aho. Aoka ho tsapanao fa, amin’ny alalan’ny Fitiavako, dia ho tonga Fitiavana ianao. Omeko tso-drano afakely ianao.
Ireo olona entinao ao am-ponao
![](https://www.fcdj.org/wp-content/uploads/2019/08/1E_14_mg.jpg)
1E_14: Anaka, ireo olona entinao ao am-ponao, dia tsy ianao no mpamonjy an’izy ireo. Ny Mpamonjy azy ireo, dia izaho. Ny ataonao dia ny manankina azy ireo Amiko. Efa eo amin’izy ireo tsirairay avy Aho, tahaka ny ataoko aminao. Tiako ianao.
Ilay fitaovana kely manaiky sy mety volavolaina
![](https://www.fcdj.org/wp-content/uploads/2019/08/2B_09_mg.jpg)
2B_09: Anaka, efa miha mifandray bebekokoa hatrany isika. Amin’ny fihaonantsika, ny mahomby indrindra dia ny ifandraisantsika ao anatinao lalina. Mijanóna ho ilay fitaovana kely manaiky sy mety volavolaina eo ampelan-tànan’ny Ray. Amin’ny alalan’izany fanaikena sy fahavononana izany no hahitanao ny tena hanirahana anao dia ny hamela ny Fitiavana hiampita. Avelao ho vontosan’ny Fitiavako ianao satria tena tiako ianao.
Avia miantsapaza ety an-trotroiko
![](https://www.fcdj.org/wp-content/uploads/2019/08/3A_28_mg.jpg)
3A_28: Ry zanaka malalan’ny Foko, avia miantsapaza ety an-trotroiko. Hahita fiasdanam-po, hafaliana sy Fitiavana ianao amin’izany. Rehefa omenao Ahy ny enta-mavesatrao dia ho hitanao fa maivana ny jiogako. Raha malaky mametraka ny fitokianao Amiko izay Andriamanitrao ianao dia ho aingana ny fiovana ao aminao ary hahazo ny fitiavan’ny Ray ianao.
Ny mahatsinontsinona anao
![](https://www.fcdj.org/wp-content/uploads/2019/08/2A_27_mg.jpg)
2A_27: Ry bitikako, aza adino mandrakizay fa ny fahafantaranao sy ny fihaikenao antsitram-po ny mahabitika, ny mahatsinontsinona anao no mahatonga anao fitaovana azo ampiasaina eo an-tànan’ny Ray. Rehefa mahatsikaritra toe-po miheboebo ao anatinao ianao, dia miverena aingana ao anatinao lalina mba hatsapanao indray ny fahabitianao sy handraisanao ny Fitiavana izay omen’ny Ray anao tsy tapaka.
Avia mifitsaka eto an-tsandriko
![](https://www.fcdj.org/wp-content/uploads/2019/08/1B_17_mg.jpg)
1B_17: R’ilay Bitikako, avia mifitsaka eto an-tsandriko ianao ; eo ary eo ihany no ahafahanao mahita fiadanana, ny Fiadanako! Aza matahotra ; na inona na inona asanao, tsy ho avelako amin’izao ianao. Tantanako ny dianao. Azavaiko ny sainao. Arovako ianao.
- Go to the previous page
- 1
- …
- 13
- 14
- 15
- 16
- 17
- 18
- 19
- …
- 40
- Go to the next page
Misoratra anarana ao amin’ny fampahalalam-baovao hahazoana vaovao farany