1F_22: Anaka, tsotra ny anirahako anao : dia ny handraisanao ny Fitiavako sy ny hamelanao hamboariny ; ary ny hatonga anao ho fantsona izay hivezivezen’ny Fitiavako malalaka sy be dia be, mba hafahany mikasika olona maro izay nankinina taminao ao anatin’ny tontolo tsy hita maso, fa koa ao anatin’ny hita maso.
Ny hevitry ny andro
Menu
Lire Plus
Menu
Ary ianao dia mpianatro
![](https://www.fcdj.org/wp-content/uploads/2019/08/1D_34_mg.jpg)
1D_34: Anaka, na dia tsy fantatrao aza ho aiza no hitondrako anao dia aza mijanona fa mandrosoa foana. Tomponao Aho, ary ianao dia mpianatro, ianao no ampianariko, ampahafantariko, tefeko ary indrindra tiako be. Ny fandraisanao ny Fitiavako ihany no afahanao mandray betsaka koa avy aty Amiko.
Ny fisian’ny fahasarotànana ety an-tany
![](https://www.fcdj.org/wp-content/uploads/2019/08/2A_21_mg.jpg)
2A_21: Anaka, ny fisian’ny fahasarotànana ety an-tany dia tsy midika hoe nafoin’Andriamanitra ianao. Tsia, jereo ireo fahasarotànana izay niainanay, Maria sy Izaho, ka nefa i Jesoa dia niaraka mandrakariva taminay. Jereo ireo fahasarotànana izay niainan’i Jesoa. Jereo ireo an’ireo Olomasina. Niaina an’izany avokoa izy rehetra tsy ankanavaka. Dia manino no ho hafa amin’izany ny anao ? Masindahy Josefa.
Amin’ny tena habean’ny Fitiavana
![](https://www.fcdj.org/wp-content/uploads/2019/08/2A_32_mg.jpg)
2A_32: Anaka, manontany tena ianao hoe ahoana no fomba iainana mandrakariva sy na aiza na aiza, amin’ny tena habean’ny Fitiavana. Tsy mety ho vita izany, raha tsy efa tonga Fitiavana ianao. Tsy misy afa tsy fomba tokana ihany no hatongavana amin’izany : ny fanaikenao hamboarina amin’ny alalan’ny Loharano, ao anatin’ny fifandraisana ampitiavana lalina amin’ny Trinite Masina, miombona amin’ireo Olomasina, eo ambany fiarovan’ireo Anjely Masina.
Dia mila, maika, olona
![](https://www.fcdj.org/wp-content/uploads/2019/08/1B_35_mg.jpg)
1B_35: R’ilay Bitikako, amin’izao fotoana farany izao, dia mila, maika, olona maro Aho manaiky handà ny tenany, ny faniriany, ny fahafinaretany, mba hampiombona ny vavak’izy ireo amin’ny vavako, sy ny vavaky ny Reniko tena Masina, ireo Olo-masina rehetra, sy ny Anjely Masina rehetra, ho an’ny ady lehibe izay atrehina ankehitriny.
Ny fahoriako lehibe indrindra
![](https://www.fcdj.org/wp-content/uploads/2019/08/1A_40_mg.jpg)
1A_40: Anaka, ny fahoriako lehibe indrindra dia ny mahita fa vitsy loatra ireo izay manaiky ho tiaviko, ary vaomainka vitsy ireo izay manaiky fehezin’ny Fitiavako. Izaho no loharanon’ny Fiadanana, Fifaliana, sy ny Fitiavana ! Ny zava-dehibe indrindra eo amin’ny fiainanao amin’izao fotoana izao, dia ny hanaikenao ho tiavina, ny hamelanao ny hovàna amin’ny alalan’ny Fitiavan’ny Foko.
Tena sarobidy amiko izay
![](https://www.fcdj.org/wp-content/uploads/2019/08/3B_11_mg.jpg)
3B_11: Ry bitikako, tena sarobidy amiko izay Andriamanitrao ianao ary mila anao aho. Avia miantsapaza aty anatin’ny Foko. Ankiniko amin’ilay Reniko Masina ianao mba hanasitrana ny ratranao rehetra ary hitondra anao ho any anatin’ny Fon’ny Ray. Tiako ianao.
Dia ny aminao manontolo
![](https://www.fcdj.org/wp-content/uploads/2019/08/3B_08_mg.jpg)
3B_08: Ry bitikako, rehefa manatona ny Foko ianao, dia ny aminao manontolo no main’ny afon’ny fitiavako Afo. Ka tonga olona feno ny Fitiavako ianao. Tsy fiovana mandalo fotsiny izany fa tena fiovana lalina, maharitra fa tsikelikely. Dia noho izany, amin’ny alalan’ny Fitiavako, no maha tonga anao “Fitiavana”. Tiako ianao.
Ny fijaliana rehetra izay atambatra amin’ireo Fijaliako
![](https://www.fcdj.org/wp-content/uploads/2019/08/3A_01_mg.jpg)
3A_01: Ry Bitikako, ny fijaliana rehetra izay atambatra amin’ireo Fijaliako dia manandanja be mandrakariva. Mandray anjara amin’ny fanadiovana ny tany, izay efa nanomboka, izany fijaliana izany. Mba hamokatra vokatra maro, dia tokony ho ekena izy ireny, iainana ary atambatra amin’ireo Fijaliako.
Aza matahotra na kely aza handray ny « Fitiavana »
![](https://www.fcdj.org/wp-content/uploads/2019/08/1F_35_mg.jpg)
1F_35: Anaka, aza matahotra na kely aza handray ny « Fitiavana », na ilay omena anao mivantana na ilay avy amin’ireo olon-kafa. Rehefa miha mandray ianao, dia ho afaka mandray foana koa… Rehefa manome foana ireo «ENY-NAO » amin’ny Fitiavana ianao, dia aingankaingana koa ny hatongavanao “Fitiavana“.
- Go to the previous page
- 1
- …
- 11
- 12
- 13
- 14
- 15
- 16
- 17
- …
- 40
- Go to the next page
Misoratra anarana ao amin’ny fampahalalam-baovao hahazoana vaovao farany