1D_03: Anaka, aza matahotra, miaraka aminao Aho, ary rehefa anankinan’ny Ray iraka ianao, dia omeny ireo Fahasoavana rehetra izay ilaina… Aza adino fa Asako izany fa tsy anao. Ianao, ny ataonao dia ny mitoetra mihaino Ahy sy manaiky hotiavina. Tiako ianao.

2B_02: Ry Bitikako, avia eto akaikiko, ary mitoera ao anatin’ny fifandraisam-pitiavana lalina sy lehibe Amiko, izay Andriamanitrao. Ao anatin’io fifandraisam-pitiavana lalina sy lehibe io no hiorina ilay olona vaovao ao anatinao izay maka toerana bebe kokoa hatrany.

2B_19: Ry Bitikako, ny fandrosoanao ao anatin’ny finoana madio no hahitanao izay ataon’ny Ray amin’ny alalanao, ary miaraka amin’izay koa ny hahitanao ireo fiovana izay atao ao aminao.

2B_37: Anaka, raha mba fantatrao manko fa ireny tranga mampalahelo anao ireny dia tena ilainao ary ilaina ho an’ny iraka ampanaovina anao. Ireny raharaha ireny, na dia toy ny tsy misy dikany loatra raha oharina amin’ny fanovana ny ao anatinao, dia ilaina no sady tsy maintsy miseho mihintsy aza, mba afahanao manaiky hovana araka ny hevim-pitiavan’ny Ray.

1D_05: Anaka, mba tiako ny mijery anao bitika, ary manome Ahy ireo adin-tsainao raha vao mitranga aminao. Avy hatrany dia alaiko ho Ahy ireny, ary ianao, jereo tsara manao ahoana ny ampanjavonako azy mba hitodian’ny fonao tanteraka aty Amiko.

1D_22: Anaka, tsy misy fetrany ny Fitiavako anao. Ny mandray Azy fotsiny no ataonao. Nomena anao be dia be izy, ary ny Fitiavana irery ihany no hanamboatra ary efa manamboatra ireo fanovana ao anatin’ny fonao.

3B_34: Anaka, ilay ataoko hoe « bitika » ao aminao no afaka handray ny Fitiavana izay arotsako ao anatin’ny fonao ankehitriny. Amin’ny alalan’io « bitika » ao aminao io no hanavaozako ny maha olona anao mba hatonga anao ho olon’ny Fitiavana. Ilay « bitika » ao aminao no afaka hizara Fitiavana amin’ny hafa ary avy amin’izany koa handray anjara koa ianao amin’ny fanorenana ny Fiangonana vaovao sy Fiaraha-monina vaovao. Amin’ilay « bitika » ao aminao no hitoriko aminao ny Fitiavako.

1D_31: Anaka, isaky ny mitaraina aty Amiko ianao, dia mihazakazaka manatona anao Aho. Dia raisoko eo an-tsandriko indray ianao. Mba tiako ny mamihina ny fonao eo amin’ny Foko ary, isaky ny manao izany Aho dia tonga miha Fitiavana ny fonao.

1A_16: Anaka, manam-pitiavana betsaka ho Aho. Izaho ilay Mpiandry ondrinao; tena aza matahotra na inona na inona ianao. Miaraka aminao mandrakariva Aho na aiza na aiza misy anao ary na inona na inona ataonao.

1C_21: Anaka, angataho Aho ho tonga hanapaka ireo fatorana mampifikitra anao amin’izao tontolo izao sy amin’ireo zavatra rehetra ara-materialy. Tiako ho olona afaka tanteraka ianao ; hiaina ny maha olona afaka marina amin’ny maha zanak’Andriamanitra, izay fanirian’ny Ray tamin’ny fotoanan’ny fahariana. Mba ho lasa Fitiavana, dia tokony hiverina ahazo ny fahafahana tany ampiandohana ianao, ilay fahafahana lehibe ilain’ny rehetra. Tiako ianao ary iriko ho Ahy tanteraka.